Génesis 45:26 - Sharanahua: Diospan Tsain

²⁶ Nococatan apa yoinifo, —Upan, min facu Joséfin niaquin. Natian nanfin Egipciofo anoafoan aton niaifocoinquin, —ishon yoiaiton nicain Jacob fasi mustairini. Ahuun facufoan yoiai cuscan icoinra huayonima.

Génesis 45:26 Referans Kwoze

Génesis 44:28

Fusti man nani. Man ua yoini ‘Masharonun min facu piaran,’ man ua huani. Afanan uhuun facu un oinmisima.

Génesis 37:35

Nantifi ahuun facufoan yoisharapaifiaifoanno ahuuncai fasi uaiqui finacoini. —Uncai uhuun facu manoquin unuima. Naan un naitian, —ishon Jacob ahuun facufo yoini.

Lucas 24:41

Ascaiton oincaquin ato nomuran shinannifo, —Namaparaca non oincatin, —ishon shinannifo. Icoinra huacuatama fasi aqui unimacoinnifo. Ascaiton nan iconcainran huacaicainonfo ato tushu yocani.

Lucas 24:11

Ascafiaifoancai ato icoinra huanifoma. —Icon yoicanimaran, —ato huanifo.

Génesis 42:38

—¡Ma! Uhuun facucai mato fu caima. Ahuun ochi José man nani. Nan fusti nia. Unfin natian anifocoinquin. Man Benjamín iyoano ahuara chaca finoanno un omitsiscai nai. Matohuun nutiroran, —ishon Jacob ahuun facufo yoini.

Génesis 42:36

Jacob furufo yoiquin isca huani, —Man uhuun facu rafu umaquinoa iyoa un afanan ato oinonma. Trece faricai un afanan José oianma. Natian Simeón arifi yamai. Ascashori Benjamín umaquinoa man mai futsa ari iyopai. Nan finoanfo cuscan ua fasi omitsiscamamisiforan, —ishon Jacob furufo yoini.

Génesis 37:31

Ascashon iyoa rananun José ahuun tari mania fishon chashoanun facu rutushon ahuun imin raishaquin futsashon.

Génesis 45:25

Ascatan Egipcio anoashu fonifo apa Jacob icano Canaán mai ano noconifo.

Génesis 42:29

Ascano apa Jacob ahuun pushu ano Canaán ano nococashon nan finoanfo cuscan apaqui chaninifo. Yoiquin isca huanifo,

Génesis 48:11

—Un shinanpaoni un afanan mia oinnacama shafai. Ascafia mun miqui nocoa. Miqui fustima Diosin yonoa min facu rafuya un matoqui nocoaran, —ishon Jacob yoini.