Génesis 44:20 - Sharanahua: Diospan Tsain

²⁰ Non mia yoia nocon upa anifoshta. Upa anifoaitian ahuun facu furonanfacu futsa cainni. Nan nocon ushton ahuun ochi nan a fu nanua man nani. Ahuun ahuan facu fusti tushua. Upa fasi ahuun noicoin.

Génesis 44:20 Referans Kwoze

Génesis 37:3

Ascan Israel ahuun anu futsa Jacob ahuun facu Joséhuun fasi noicoinni atirifohuuncai noicoinnima. Israel anifoaino ahuun facu José cainni. Ascacun ahuun fasi noicoinni. Israel ahuun facu José tari fasi sharashtacoin inanni.

Génesis 42:38

—¡Ma! Uhuun facucai mato fu caima. Ahuun ochi José man nani. Nan fusti nia. Unfin natian anifocoinquin. Man Benjamín iyoano ahuara chaca finoanno un omitsiscai nai. Matohuun nutiroran, —ishon Jacob ahuun facufo yoini.

Lucas 7:12

Ascashu Naín ano nocoti chaima oian pushcohuai naa mai huai focani ahua fu yora ichapa fonifo. Nan pushcohuai ahuan ahuun facu fusticoin. Nan ahuanmaqui funu naani ini.

Génesis 49:8

Ascano Judá, min yorafoan mihuunoa yoisharashcani. Mia noicasmaifo min ato cuyoshquin. Min yorafoan mia ratoconun mai chachishotiro min ato ifo ishquin.

Génesis 46:21

Ascatan Jacob ahuun facu futsa Benjamín ini. Nan Benjamín ahuun furunfo Bela non Bequer non Asbel non Gera non Naamán non Ehi non Ros non Mupim non Hupim non Ard.

Génesis 42:36

Jacob furufo yoiquin isca huani, —Man uhuun facu rafu umaquinoa iyoa un afanan ato oinonma. Trece faricai un afanan José oianma. Natian Simeón arifi yamai. Ascashori Benjamín umaquinoa man mai futsa ari iyopai. Nan finoanfo cuscan ua fasi omitsiscamamisiforan, —ishon Jacob furufo yoini.

Génesis 42:13

—Nonfin min oinmati cuscarafo. Nocon upa fusti. Non a fu Canaán mai ano ica. Nocon ushto upa fu pushu ano nitua. Futsa man naniran, —ishon yoiaifoan.

Génesis 37:19

—Nan namamisifin man nocoqui oiquin.

Génesis 35:18

Naqui rashquiataima Raquel yoini, —Nan facu ahuun anu Benoni, —ishon yoini. Ascafia apa anuni Benjamín.