Génesis 44:17 - Sharanahua: Diospan Tsain

¹⁷ Nannori huaiton José cumani isca huaquin, —Ma. Uncai ascapacunacama. Uhuun cucho ahuun forusa murannoa fuchia naan fusti uhuun yonomati iishquin. Ascan manfin natian mato upaqui man nasosharaicain, —ishon yoiaiton.

Génesis 44:17 Referans Kwoze

Génesis 42:18

Osha rafu non fusti finontan ato caimani. Ascashon ato yoiquin isca huani, —Un mato yoiai cuscan man ai man nitiro. Urifi un Diosiqui musui.

Génesis 26:29

Ascan non mato chaca huamisima cuscan marifi noco chaca huayamacahuun. Non mato shara huapaoni noco anoshon mato nichi sharani. Ascan natiari maton Ifon Diosin mia shara huamisiran, —ishon yoiaifoan.

Génesis 18:25

Ma. Ifon, min fasi shara. Mincai asca huapacunacama. Min nicacasmamisifo onaintimai cuscacai nan mia nicamisifori min asca huatiroma. Min nicacasmamisifo rutuaino nantiari min yonoa cuscan huamisifocai min rutushquima. Min nantifi yorafo onancoian. Minfin niaifocoinquin yorafoan ahuara chaca hua cuscan min yoipacutiro. Min acai cuscan cayacafi sharapacunacaran, —ishon Abraham Diosi yoini.

Génesis 44:16

Judápan cumani, —¿Niaifo, non raquiri mia yoitiromun min noco icoinra huanon? Non chaca huani cuscahuunshon Diosin natian noco onaintimai. Min cucho ushto forusa murannoa fuchia. Ascan natian noco ushto fu non min yonomati iishquin. Min nocon ifo iishquiran, —huaiton.

Génesis 44:18

Nicatan Judá aqui chaimashta cashon yoini, —Niaifon, ua nicapun. Min Faraón niaifo cuscararifiashu un mia yoiai cuscan uqui sinayamapun.

Génesis 44:10

—Shara. Man yoia cuscan inon. Tsoan a cucho ahuun forusa murannoaton ayafin nanfin uhuun yonomati iishquiquin. Ascan manfin futsafoari fotiroquin, —ishon ato yoini.