Génesis 43:26 - Sharanahua: Diospan Tsain

²⁶ Ascacun José pushu ano nocoaiton nan fushoafo cuscan José inancoinnifo. Inancoincatan fuoshopacufoannifo.

Génesis 43:26 Referans Kwoze

Génesis 42:6

Nan Egipcio maifoti ano José aton niaifo ini. Nantofin manifoti yorafo tushufo inanpaoniquin. Ascano José ahuun ochifo aqui nococatan fuoshonpacufoannifo.

Romanos 14:11

Nannori Diosin tsain Isaías cununi isca huaquin, “Iconcoin un niaquin. Iconcoinri nantififain manifoanna anoafo uqui nocoshcani ua ratoconun mai chachishon yoishcani, ‘Diosin, icon min Diosinran,’ ishon nantififain ua yoishcaniquin.”

Génesis 27:29

Mani futsafo min oinmatifo inonfo. Mia ratoconun mai chachishononfo. Min yora mifu nanuafo min ato ifo inon. Afoanri mia ratoconun mai chachishononfo. Tsoan mia chaca huai nanfo Diosin ato chaca huapainon. Tsoan mia shara huai nanfo Diosin ato shara huapainonran, —ishon Isaac yoini.

Génesis 43:28

Afanan fuopacufoancatan cumanifo, —Nocon upa afin natian nia. Ahuuscaima shararan, —huanifo.

Génesis 33:3

Ascatan Esaú chaimashta otan Jacob fuopacucahuatan ahuun tau naman siete veces fuhuufuhuu ishoni.

Génesis 43:11

Nannori huaiton nicatan apan Israel ahuun facufo yoini isca huaquin, —Noncai ahuara futsa huatiroma. Noco mau anoa yono fasi shara maton forusafo muran fospi huacahuun nan nocofunu niaifo Egipcio anoa foshotashcaquin cashman inantacahuun. Bálsamo shara fofain fona shara fofain ininti futsa futsatapafo shara fofain fimi sharafori foshotacahuun.

Éxodo 18:7

Ascatan Moisés atoqui nocoi cani. Ahuun raisiqui nocotan tutipacucahuani. Nan aton fuyamisi cusca Moisés ahuun raisi tamoqui tsoani. Ascatan yoinonansharatan Moisés ahuun pano pushu muran iquifainnifo.