Génesis 43:18 - Sharanahua: Diospan Tsain

¹⁸ Nan ato iyoaiton oincani fasi ratucoinnifo. Nantian shinannifo isca huaquin, —¡Ohuashta! Niaifoan noco fuparanpai. Nanton tapia pui non inanni afanan nocon forusa murannoa man non fuchia tapishon noco achimashquin ahuun yonomatifo noco imashquinran, —ishon shinannifo.

Génesis 43:18 Referans Kwoze

Génesis 42:35

Nannori yoiyanan aton forusafo murannoa ahuarafo napupacunifo. Napupacucaquin oianfo aton forusa muran aton pui futsan afanan ato nanushona. Oincani apa fu fasi ratucoinnifo.

Romanos 7:8

Ascafia Moisés cununi cuscan oinfiaquicai un chaca shatutama un finacaipaoni. Fasi finonmafain un chaca noipaoni. Upa Diosin noco yonoyamanicai non yoitima icuanama.

Salmos 73:16

Ascan un fasi shinanquin isca hua, —¿Ahuuscaimun na yora chacafo omitsiscatama tsoa ahua yopaimaquin? —ishon un nannori un shinan. Ascashon un fasi tapipaicoin.

Génesis 42:28

—Oincapon. Uhuun pui ua nasoan. Nuno uhuun forusa muranoa un fuchia, —ishon ato yoini. Nicacani mustairinifo fasi ratucoincain yoinannifo, —¡Ohuashta! ¿Diosin noco ahuusca huamun? —icashu yoinannifo.

Génesis 42:21

Ascatan afi ranan yoinannifo, —Nocon ushto José non chaca huanihuunshon natian Diosin noco onaintimai. Man non ahuun fuso oinni nocomaquinoashu cai omitsiscani. Noco yoini, “Ochin, ua mai futsa ari nichiyamacapun. Ua shinancapun un nanonma,” ishon uaiyanan noco yoini. Ascafia non ahuun ramapainima. Ascan natian ahuunoashu norifi non omitsiscairan, —icashu yoinannifo.

Génesis 43:17

Ascan nan José yoia cuscan ahuun pushu muranshon ahuun oinmatinin ato iyoni.

Génesis 43:19

Nannori shinancatan José pushu caincaiti ano noconifo. Ascan José oinmati yoiquin isca huanifo,

Daniel 6:4

Ascaiton niaifo futsafoan tapicashon Danielqui shinanchacamisifoan afo ranan yoinannifo, —Non oinon Daniel ahua chaca huaimancain non niaifo Darío ahuunoa tapimanon, —icashu yoinannifo. Ascafiashon oincaquin oianfo Daniel nocofunun fasi sharacoin. Ahuacai chaca huamisima. Danielcai niaifo parayamafain yorafori paranmisima. Niaifo Darío yononi cuscacoin amisi. Danielcai tsoa ahua fomanmisima.

Génesis 42:27

Ascan nan oshaifoanno shon nococashon futsan ahuun forusa fupuni ahuun burro pimashquin. Fupuquin fuchini nan forusa murannoa ahuun pui man nasoan.

Génesis 44:8

¿Min shinainmamun nocon mai Canaán anoshon maton pui non fuchia nocon forusafo murannoa non mato nasoa? ¿Ascan ahuuscaquimun min niaifoan pushu murannoa ahuun cucho non onutiroquin?