Génesis 42:38 - Sharanahua: Diospan Tsain

³⁸ —¡Ma! Uhuun facucai mato fu caima. Ahuun ochi José man nani. Nan fusti nia. Unfin natian anifocoinquin. Man Benjamín iyoano ahuara chaca finoanno un omitsiscai nai. Matohuun nutiroran, —ishon Jacob ahuun facufo yoini.

Génesis 42:38 Referans Kwoze

Génesis 37:35

Nantifi ahuun facufoan yoisharapaifiaifoanno ahuuncai fasi uaiqui finacoini. —Uncai uhuun facu manoquin unuima. Naan un naitian, —ishon Jacob ahuun facufo yoini.

Génesis 42:4

Foaifoanno cai Jacob ahuun facu chipocu atoya nichinima. Nan Benjamín José ahuun ushto. A fu nanua ini. Nantian Jacob ahuun nomuran shinanni isca huaquin, —Uhuun facu Benjamín iyoafofoya un nichian ahuara chaca finontiroran, —ishon shinanni.

Génesis 37:33

Nansca huaifoan apan furunfo yoini, —Naafinquin uhuun facu ahuun tari. Man fashnui futsua man masharonun piaran, —ishon yoini.

Génesis 42:13

—Nonfin min oinmati cuscarafo. Nocon upa fusti. Non a fu Canaán mai ano ica. Nocon ushto upa fu pushu ano nitua. Futsa man naniran, —ishon yoiaifoan.

Génesis 44:20

Non mia yoia nocon upa anifoshta. Upa anifoaitian ahuun facu furonanfacu futsa cainni. Nan nocon ushton ahuun ochi nan a fu nanua man nani. Ahuun ahuan facu fusti tushua. Upa fasi ahuun noicoin.

Génesis 37:34

Ascatan ahuun camisa shara fashnuqui futsatan chocashta sahuuni. Ascashu uaiqui unupaonima.

Génesis 42:37

Ascaiton Rubén cumani, —Upashtan, uaya ushto Benjamín nichipun unfin cushusharashquin. Ascan un afanan nasoaitian un mia ushto nasoquishotiroqui. Un mia ushto nasoquishoyamaino min uhuun facu rafu rututiroran, —ishon yoini.

Génesis 43:13

Maton ushtori nan nocofunu niaifoqui iyotacahuun.

Génesis 44:22

Niaifon, min noco nannori huaiton non mia yoini. “Nocon ushto apamaqui itiroma. Apamaqui caano apa natiroran,” ishon non mia yoini.