Génesis 42:36 - Sharanahua: Diospan Tsain

³⁶ Jacob furufo yoiquin isca huani, —Man uhuun facu rafu umaquinoa iyoa un afanan ato oinonma. Trece faricai un afanan José oianma. Natian Simeón arifi yamai. Ascashori Benjamín umaquinoa man mai futsa ari iyopai. Nan finoanfo cuscan ua fasi omitsiscamamisiforan, —ishon Jacob furufo yoini.

Génesis 42:36 Referans Kwoze

Génesis 43:14

Nocon Upa Diosin ahuamamishti huatiro. Nanton nan nocofunu ahuun ointaifin matohuun ramapaiquin mato yora futsa non mato ushtori afanan matoya nichinon man afanan uqui nasosharanon. Ascafia afanan nan niaifoan uhuun facu umaqui pashcaiton uncai ahuusca huatiromaran, —ishon Jacob ahuun facufo yoini.

1 Corintios 10:13

Satanás mato chaca huamapaiyai cuscacai marus fusti man mumisima. Man muai cuscari nantifi icoinra huafoan man mumisi. Ascafiacun Diosin mato yoimisi cuscan man icoinra huatiro. Matori cushusharatiro man chaca huanonma. Satanás mato chaca huamapaiyai cuscan Dioshuunshon mato atima huatiro man chaca huanonma. Ascashori Diosin mato tapimai ahuuscashomain man chaca huanonma.

Romanos 8:31

¿Noco asca huasharaino non raquiri yoitiromun? ¿Upa Diosin noco shara huafafainaino futsafoan noco raquiri huatiromun?

Romanos 8:28

Ascano non tapia Upa Diosin noco catonni noco amapaiyai cuscan non anon. Non Upa noiaino ahuarafo ahuuscara afiaino afohuunshon Upan noco shara huashoin. Norifi non icoinra huai.

Mateo 14:31

Ascaiton Jesús samamashta mutsoinifoanquin yoini, —Miancai ua icoinra huacoinnama. Ahuuscaquimun mian icoinra huamaquin, —ishon Jesús yoini.

Salmos 34:19

Nan ratora futsan Ifo Diosi yonoa cuscan huamisifofia nantori ahuara chaca ichapa finontiro. Ascafia Ifo Diosifin nantifi chaca finoan cuscan numaiquin.

Génesis 47:12

Ascatan José tushu ichapa apa yafi ahuun ochifo non ushto non aton facufoya inanni.

Génesis 45:28

Ascashon Jacob yoini isca huaquin, —Natian mun icoinra huai uhuun facu José man nia. Un nataima un oinyoicairan, —ishon yoini.

2 Corintios 4:17

Non natian niyoashu omitsiscai cuscan fasi curushcoinma. Samamashta finontiro. Ascan non Jesushuunoashu omitsiscaiton noco fasi sharacoin imai cuscan tsoancai ascaran shara oinyomisima. Nanfori cuyopacunacama.

Génesis 42:37

Ascaiton Rubén cumani, —Upashtan, uaya ushto Benjamín nichipun unfin cushusharashquin. Ascan un afanan nasoaitian un mia ushto nasoquishotiroqui. Un mia ushto nasoquishoyamaino min uhuun facu rafu rututiroran, —ishon yoini.

Génesis 44:12

Ascashon José ahuun pushu cushumisiton aton forusa muran funapacuni. Tau huaquin iyoaton ahuun forusa muran funafain futsafonari oinpacuni. Ahuun unutaqui nan chipocun Benjamín ahuun forusa muran funaquin fuchini.