Génesis 41:26 - Sharanahua: Diospan Tsain

²⁶ Nan siete moi shara min namapan min oian naanfin siete fari mia yoiaquin. Nanscararifi nan nushachi ahuun tasho fusti siete fimi shara siete fari mia yoiaquin.

Génesis 41:26 Referans Kwoze

Génesis 41:47

Ascatan Egipcio mai anoa siete fari yonofo foai sharacoinpaoni. Aton tushu ichapacoin ini. Ascatari ichapacoin tushuni.

Génesis 41:2

Nishon oian siete moi shoacoianfo unu murannoashu cainnifoannifo. Cainifoacatan cusumunnoa nushachi muranshon fasi pinifo.

1 Juan 5:7

Ascan rafu non fustiton nannorisi yoiquin Jesús nocofunu nan Diospan Furuquin.

Éxodo 12:11

Ascano nan man piaitian maton sahuuti sahuufain sapato sahuufain maton poquitifo tsomashon picahuun. Unfin maton Ifoshon un mato ascarafo pimaicain. Na yamutan un mato finonfainnicai nan Egipcio aton furun iyoafofo fusti un namashquin. Ascacun nan man piaitian piriscacahuun.

Génesis 41:53

Nan siete fari finontan afanan aton mau foai sharacointamarocon aton yonofo cuyopacuni.

Génesis 41:29

Nuno min mai Egipcio ano siete fari nantifi mato yonofo foai sharashquin. Ascano tushu ichapacoin iishquin.

Génesis 41:5

Afanan oshacaishon nama futsanquin. Oian nushachi ahuun tasho fustifiashu ahuun poyanmishtihuun siete fimi shara fospicoian.

Génesis 40:18

José cumani, —Nan shihuati rafu non fusti yoipai osha rafu non fusti.

Génesis 40:12

José cumani, —Min namapan isca huaquin yoia, Aqui tania rafu non fusti yoipai osha rafu non fusti.

Génesis 2:24

Nan nocofunun ainfo fiatiancai afanan apa yafi ahua fu itiroma. Apa yafi ahuamaquinoashu pashcatiro ainfo fiiashu. Ascashu nan fusti cuscaran iishquin.

Génesis 41:25

Nannori nicatan Josén Faraón yoini, —Niaifon, nan min nama rafu cuscan Diosin mia yosipai nanscacoin huaquin mia tapimai. Chipo Diosin ashquiai cuscan mia tapimayoi.

Génesis 41:27

Ascano nan siete moi iramannashta chaca shuni nanforifi siete fari mia yoiaquin. Nanscarifi ai nan siete fimi tsasia chaca siete fari mia yoia. Nan siete fari yorafo tushuoma iishquin.

Daniel 2:45

Nanfohuunoa nama cuscan min oian toquirininhuan nan machi anoashu tsucucai pacua nan nocofunu ointsa camaqui hierro non bronce non mai mapo non cuno ahuun anu plata non cuno oro nanfo pacuaino tucumishtimishtishquin. Niaifon, nan Diosin ahuamamishti huatiro. Nanton mia oinmana ahuara chipo iishqui ai cuscan. Min nama icon mia tapimanai cuscan min icoinra huatiroran, —ishon Daniel niaifo Nabucodonosor yoiaiton.