Génesis 37:35 - Sharanahua: Diospan Tsain

³⁵ Nantifi ahuun facufoan yoisharapaifiaifoanno ahuuncai fasi uaiqui finacoini. —Uncai uhuun facu manoquin unuima. Naan un naitian, —ishon Jacob ahuun facufo yoini.

Génesis 37:35 Referans Kwoze

2 Samuel 12:17

Israeli niaifo patasharinoafo ahuun pushu muran icafoan yoinifo isca huaquin, —Niaifon David, funihuu noco futan piishquin, —ishon yoifiaifono funipaitama ato futaricai piinima.

Génesis 42:38

—¡Ma! Uhuun facucai mato fu caima. Ahuun ochi José man nani. Nan fusti nia. Unfin natian anifocoinquin. Man Benjamín iyoano ahuara chaca finoanno un omitsiscai nai. Matohuun nutiroran, —ishon Jacob ahuun facufo yoini.

Génesis 45:28

Ascashon Jacob yoini isca huaquin, —Natian mun icoinra huai uhuun facu José man nia. Un nataima un oinyoicairan, —ishon yoini.

Génesis 42:31

Noco asca huafiaiton man non cuma isca huaquin, “Nonfin nocofunu sharafo. Noncai futsan ahuara fipaimisima. Noncai mato ahuarafo fianpaiquin oinyoama.

Génesis 31:43

Labán cumani isca huaquin, —Min ahuin rafufin uhuun facu rafuquin. Ahuun facufori uhuun chatafo. Chashoanfofin uhuunaquin. Nan min oiainfofin nantifi uhuunaquin. ¿Natianmun uhuun facu rafu un ahuusca huaicai uhuun chatafoyafi?

Génesis 25:8

Ascano fasi anifoshtacoianshu nai tsifoscumucoinni. Nan ahuun shunifo nai ari icafo ari cani.

Génesis 35:29

Ahuun unutani nan naitian fasi shacainacahuan fustitan nani. Fasi anifocoianshu ahuun shunifo ari cani. Naacun ahuun facu rafutan Esaú futan Jacob mai huanifo.

2 Samuel 12:23

Ascan natian man naa. ¿Ascan ahuuscai natian un piqui tunuimun? Un piqui tunuahuunshon uhuun facu caya huatiroma. Ratora shafata naashu un aqui nocotirofiacai aafin afanan uqui nasotiromaran, —ishon ato yoini.

Génesis 48:11

—Un shinanpaoni un afanan mia oinnacama shafai. Ascafia mun miqui nocoa. Miqui fustima Diosin yonoa min facu rafuya un matoqui nocoaran, —ishon Jacob yoini.