Génesis 37:34 - Sharanahua: Diospan Tsain

³⁴ Ascatan ahuun camisa shara fashnuqui futsatan chocashta sahuuni. Ascashu uaiqui unupaonima.

Génesis 37:34 Referans Kwoze

Génesis 37:29

Man iyoafoanno iyoa Rubén chipo nocotan pozo ano funani. Funafiaquicai fuchinima. Ascatan fasi uaiyanan ahuun camisa fashnuqui futsani. Oinmashquin a chipocun fasi noicoin ai.

Apocalipsis 11:3

Ascacun nantianri un nocofunu rafu Jerusalén ano nichishquin. Nanno icafo un ato yoipaiyai cuscan nan rafutan ato yoishquicani. Fari rafunon fusti nushmancayan atohuunshon nan Jerusalén ano icafo un ato yoishqui. Ascashon nan rafutan sahuuti chocashta sahuucashon atohuun ramapaicoinquin ato ismashcani. Uhuun curushhuunshonri ahuamamishti huashcaniran, —ishon Diosin ua yoia.

Hechos 14:14

Man acai cuscan nan rafutan oincaquin aton sahuuti fashnunifo aton nomuran ointi isincoincaquin ato oinmapaiquin. Ato muran ichotanonfo,

Mateo 26:65

Ascaiton nicai nocon yorafohuunshon Dios cufimisi niaifocoin, —Un Diospan Fururan, —Jesús icaiton nicai fasi sinacoinni. Ascacun ahuun sahuuti fashnuqui yoini, —Noncai afanan yorafoan Jesusqui tsain chaca huai yopaima. Manmain noficoin ahuun tsain chaca nicayamaifin, “Un Diospan fururan,” iquifin Dios chaca huaquin.

2 Samuel 1:11

Nicacashon David a fu icafoanri fasi shinancaquin aton sahuutifo fashnu fashnuanifo.

Josué 7:6

Ascano nan nicatan Josué fasi shinancoinni. Ahuun sahuutifo fashnu fashnuani Diosin tsain nan casho muran nanua naman fuopacucahuani. Nan fari caitishon nanscai fuoshon nocon Ifo Diosi cufini. Israeli niaifo patasharinoafoanri nansca huanifo. Aton fuyamisi cuscan mai mapo aton mapomaqui huanifo nan shinancoiainfo cuscan ismashcaquin.

Génesis 42:38

—¡Ma! Uhuun facucai mato fu caima. Ahuun ochi José man nani. Nan fusti nia. Unfin natian anifocoinquin. Man Benjamín iyoano ahuara chaca finoanno un omitsiscai nai. Matohuun nutiroran, —ishon Jacob ahuun facufo yoini.

Génesis 44:13

Fuchiaiton oincaquin aton sahuuti fashnu fashnu anifo. Asca huacatan aton nomuran omitsiscacoinnifo. Aton burrofoan catu camaqui aton forusafo huanifo. Ascashu pushu rasi ano nasonifo.