Génesis 35:27 - Sharanahua: Diospan Tsain

²⁷ Ascano Jacob apa Isaac pushu ano noconi. Apa pushu rasi Mamre ano noconi. Mamre anu rafu non fustiya ini. Ahuun anu futsa Arba futsari Hebrón. Nanno Abraham yafi Isaac ipaonifo.

Génesis 35:27 Referans Kwoze

Génesis 13:18

Ascaiton nicashon Abram ahuun pano pushufo nii ichapa ano foni. Ascashon nanno anuni Hebrón. Nocofunu ahuun anu Mamre arifi nanno chaimashta ica ini. Abram nocon Ifo Diosi yoisharapaiyaiton afanan toquirifo putsainishon Ifo Diosi cufinni ahuunoa yoisharanon.

Génesis 23:19

Asca huatan Abraham ahuun ahuin Sara mai huashon mahua quini anuni Macpela ano mai huani. Nanno Mamre mai Hebrón pushu rasi ini. Nantifi nan mai Canaán muran ini.

Génesis 18:1

Ascano nan ihui uhuapafo Mamre naman Abraham tsaoa ini. Ahuun pano pushu caincaiti ano tsaoni. Fari masafinin racano fasi niscacoin nanno tsaoa ini. Ascan nantia nocon Ifo Diosin Abraham oinmariscatani.

2 Samuel 5:5

Tau huaquin siete fari non seis oshuri pushu rasi Hebrón ano niaifo ini. Ascan chipo pushu rasi Jerusalén ano nantifi Israeli icano yafi Judá icanoafori aton niaifo treinta tres fari David ini.

2 Samuel 5:3

Asca huacatan nantifi Israeli niaifo patasharinoafo Hebrón ano Davidqui funifo. Ascan David ato futan nocon Ifo Diosi ointaifin nannorifosi yoinansharanifo. Ascaifoan David ahuun mapoqui shuni ocatan yoinifo, —Natian min nantifi Israelifo nocon niaiforan, —ishon yoinifo.

2 Samuel 5:1

Ascan chipo nantifi Israeli mani futsafo anoashu Hebrón pushu rasi ano Davidqui fucashon yoinifo isca huaquin, —Nonfin min imiquin. Non min yorafo.

2 Samuel 2:1

Ascan chipo David nocon Ifo Diosi yocani isca huaquin, —¿Uhuun Ifon, un pushu rasi Judá mai ano caashquimun nanno ishquin? —ishon yocaiton. —Ai. Nanno catahuun, —ishon nocon Ifo Diosin cumani. —¿Rato pushu rasi ano un caimun? —ishon yocaiton. —Hebrón ano catahuun, —ishon Ifo Diosin David cumani.

Génesis 28:5

Asca huatan Isaac ahuun furu Padán-aram mai ari nichini. Ascan Jacob ahuun coca Labán pushu ari cani. Nan Labán Betuel facu ini. Betuel Arameo ini. Ahuun facu Labán Rebeca ahuun ochi. Rebeca Jacob futan Esaú ahua ini.

Génesis 14:13

Ato asca huaifoanno nocofunu fusticoin ichocaini. Abram nan Hebreoqui chanicai. Nantiari Abram Mamre pushu chaima ica ini. Nanno nii uhuapa ichapacoin. Mamre ahuun caifori Amorreofo ini. A fu nanua rafu Escol yafi Aner. Abram ahuara yopai cuscan nan rafu non fustiton samamashta a futan ahuara huamisifo.

Génesis 37:14

—Shara. Casharatahuun min ochifo non chashoanfo ahuu cuscarafomainquin. Nasocura ua yoishquin, —apan huani. Ascano apa José machihuan tunanman ahuun anu Hebrón anoshon nichini. Siquem ano nocoshon ato funafoanfafainni.

Génesis 17:8

Nuno icanoafo min caifoma. Un nantifi nan mai Canaán min non min funafori un nantifi nan mai mato inain matona ipanaca. Unri min funafo aton Diosiri iishquinran, —ishon Diosin yoini.

Génesis 49:29

Shafan futsa Jacob ahuun facufo yoini isca huaquin, —Un samamashta nai. Nan nocofunu Hitita ahuun anu Efrón ahuun mai ari mahua quini. Nanno uhuun shunifo mai huanifo. Nan mahua quini anuni Macpela. A muran uarifi mai huacahuun.