Génesis 35:11 - Sharanahua: Diospan Tsain

¹¹ —Unfin Diosiquin un ahuamamishti huatiro. Min facufo ichapa cai huahuu min funafori caiyaifoanno. Mihuunoashu shoco fustifiashu mani futsa futsatapafo caicani. Min funafo niaifo ichaparasi ishcani.

Génesis 35:11 Referans Kwoze

Génesis 17:1

Ascashu Abram noventa nueve fariano Ifo Diosin Abram oinmariscatani. Diosin Abram yoini isca huaquin, —Unfin Diosiquin. Un ahuamamishti huatiro. Ua nicacoinfain isharahuu. Ahua chaca huaquima.

Génesis 22:17

Un mia shara huashoshquin. Nan fishifo tsoancai tanan huatiroma. Mai furoricai tsoan tanan huatiroma. Nanscarifiai min funaforicai tsoan tanan huatiroma iishquin. Ratora yorafoan min caifo rutupai min funafoan atori shuhuitiro ato pushu rasi fiishquin atona inon.

Génesis 9:1

Ascan Diosin Noé yafi ahuun facufo tsain shara yoiyoni isca huaquin, —Facu ichapa caihuacahuun maitio ano inonfo.

2 Corintios 6:18

Ascatan un maton Upa inon. Man uhuun facu nocofunufo yafi ainfofo inon,” ishon nocon Ifo Diosin yoini. Nan onihuafoti ato iquinaquin.

Éxodo 6:3

Min shunifo nan Abraham non Isaac non Jacob unfin uhuunoa ato tapimaniquin. Unfin maton Diosiquin. Un ahuamamishti huatiro. Un ato oinmanai cusca chipo man oin. Ascafiacai un ato uhuun anuhuunoa Uhuun Iforan ishon un ato tapimanataima.

Génesis 17:16

Ascacun un Sara shara huashquin. Ahuunoashu min facuya ishquin. Ahuun funafohuunshon manifo futsafoti ishcani. Ahuun facu non ahuun funafori niaifo ishcani. Naanfin aton uhua cuscara ishquiran, —ishon Diosin Abraham yoini.

Génesis 15:5

Asca huatan Diosin Abram chifi caimani. Caimashon yoiquin isca huani, —Nai ari oinyohuu. Nan fishifo min tanan huatiromainquin tananhuahuu. Nanscarifi min funafo chipo iishquin. Tsoan ato tanan huatiroma ishquinran, —ishon nocon Ifo Diosin Abram yoini.

Génesis 12:2

Min funafohuunshon min caifo ichapacoin un imanon. Ascacun un mia fasi shara huashquin. Ascaiton nantifi yorafoan mihuunoa nicashcani. Ascashon mihuunshon nantifi yora maitio anoafo un ato shara huashquin.

Éxodo 1:7

Ascafiani aton funafo ichaparasi cainnifo. Egipto mai anoafo Israelifo ichapacoin ipaonifo.

Génesis 43:14

Nocon Upa Diosin ahuamamishti huatiro. Nanton nan nocofunu ahuun ointaifin matohuun ramapaiquin mato yora futsa non mato ushtori afanan matoya nichinon man afanan uqui nasosharanon. Ascafia afanan nan niaifoan uhuun facu umaqui pashcaiton uncai ahuusca huatiromaran, —ishon Jacob ahuun facufo yoini.

Génesis 32:12

Mian cayacafi yoia un caiton mian cushusharai un isharacain uhuun funafo ichaparasi iishquicani. Mai furoti ichaparasi tsoan tanan huatiromati iishquicaniran, —ishon cufini.

Génesis 28:14

Nannoashu min funafo fasi ichaparasi caicani. Mai furo non tanan huatiroma cuscan min funafori chipo tsoa tanan huatiroma. Fari oaiquiri yafi fari caiquiri nantio maifoti min funafo iishquicani. Atohuunshon nan manifoanati un shara huashquin.

Génesis 18:18

Chipo Abrahamhuunoashu ahuun funafo caifo ichapa icain mutsisipacoinfo iishquicani. Ascano ahuunshori un nantifi manifoti shara huashquin.

Génesis 18:14

—Ascan ahuara tsoan atiroma cuscan Diosin huatiro. Fari fusti finontan un afanan mia oinyoi oshquin. Nantiari Sara furun cainshquiran, —ishon nocon Ifoan yoiaiton.

Génesis 13:16

Ascan unfi min funafo ichapacoin cai huaicai. Tsoan mai furo tananhuatiroma. Nanscarifi ai chipo min funafori tsoan tanan huatiroma iishquin.

Génesis 46:3

—Unfin Diosiquin. Un min upan ahuun Diosin. Min natian Egipcio ari catiro. Nanno un mia ashoshqui ai cuscan min funafo ichapa rasi cainnonfo. Min funafo mani futsafoti ichaparasi ishquicani. Ascacun ratuquima min Egipcio ari catiro.

Génesis 9:7

Ascashon facu ichapa caihuacahuun nan maitio inonfo, —ishon Dios ato yoini.

Génesis 17:4

Ascaiton afanan Diosin yoini, —Un mia yoiyotiani cuscan mani ichaparasiton aton shuniri min iishquin.

Génesis 36:31

Israelifo niaifoataima nanfo Edomfo aton niaifofo ipaoni.

Génesis 47:27

Israelifo Egipto ano ipaonifo. Gosén mai finifo atona inon. Nannoashu ichapa cainnifo.

Éxodo 2:24

Israelifo fasi pashapai piniaifo cusca Upa Diosin ato nicaquin nan Abraham non Isaac non Jacob yoiyoni cusca Upa Diosin shinanriscatani, —Unfin mato funafo shara huapacunacaran, —ishon ato yoiyoni cusca Diosin nan Israelifohuun ramapaicoinquin ato shinanni.