Génesis 35:1 - Sharanahua: Diospan Tsain

¹ Asca huatan Diosin Jacob yoini, —Funinacahuu. Pushu rasi Betel ari catahuun nanno iyoshquin. Nanno toquiri putsainiqui huashon ua cufinhuun. Min ochi Esaú anoashu ichoaitian min ano icun un mia oinmariscatani. Nannoshon mian cufintiro, —ishon Diosin yoini.

Génesis 35:1 Referans Kwoze

Génesis 31:13

Min Betel ano toquiri putsainishon ua cufinni. Nannori min yoini min ua tanasharashquin. Ascan natian min coca mai anoashu cariscatahuun. Min cainni ano nasoriscahuun,” —ishon ua yoia, Jacob yoini.

Salmos 91:15

Ua cunaiton un cumashquin. Ahuara chaca finoaintian un a fu iishquin. Un numafain un ahuunoa yoiquinshara huashquin.

Génesis 35:7

Betel ano nocoshon Jacob toquiri putsainini anoshon Diosi cufinshquin. Nan mai ano anuni El-Betel. Nannoashu ahuun ochiqui ichoaino aqui Diosin noconi.

Génesis 31:3

Ascacun Upa Diosin Jacob yoiquin isca huani, —Min upan mai ari nasohuun. Nanno min yorafoquin. Min caitian un mi fu cairan, —ishon yoini.

Éxodo 2:15

Ascano nan Moisés Egipcio rutuita tapishon Faraón ahuun ranushumuafo nichini Moisés funanonfo fuchishon rutushquin. Nan nicatanaitian Moisés ichoni. Ratucaini cai. Mai futsa ahuun anu Madián ari tsoa istaipama pashaicani. Nanri pozomua chaima tsaoni.

Génesis 22:14

Ascashon nanno anuni, —Non yopai cuscan Upa Diosin noco inanshquiran, —ishon anuni. Nantianri yoicani, —Nan machi Diosi ica arishon non yopai cuscan noco inantiroran, —ishon yoimisifo.

Génesis 16:8

Fuchishon yoini isca huaquin, —Agar, min Saraipan oinmati. ¿Min raniashu oashu min raqui caimun? —ishon yocaiton. Agar cumani, —Uhuun Ifo Sarai icanoashu un ichoaran, —huaiton.

Génesis 12:8

Ascatan nannoashu cai pushu rasi Betel ano noconi. Nanno fari oaiquiri machi ichaparasi ini. Nannori ahuun pano pushu pochini. Ascano Betel pushu rasi faricaiquiri icano pushu rasi futsafoan ahuun anu Hai fari oaiquiri ini. Ascashon nannori afanan Abram toquiri putsainishon Ifo Diosi ahuun anuhuunshon cufinni isca huaquin, —Uhuun Ifo Diosiran, —ishon Abram yoini.

Salmos 46:1

Diosin no fu ishon noco cushushara. Ahuun curushu noco inain. Ahuara chaca non finoainnofin nan noco fu imisiquin noco ashoshquin.

Génesis 34:31

Ascafiaiton cumanifo, —Siquem nocon shafo furomacoin cuscaran hua. Ascacun non atori copiquiri chaca huaran, —ishon cumanifo.

1 Samuel 10:3

Nan min ato anoashu cai min ihui uhuapa Tabor ano nocoshquin. Nanno nocofunu rafu non fusti miqui nocoi. Nan rafu non fustifin Betel ano focaniquin nannoshon nocon Ifo Diosi cufin focani. Futsan cabra facu rafu non fusti foaino futsan misi rafu non fusti foaino futsan fichi tutso muran uva unu foicai.

Génesis 29:1

Jacob yorafo fari oaiquiri cani.

Génesis 35:15

Nannoashu Diosin a fu tsainni. Ascashon nannoa mai anuni Betel.