Génesis 31:42 - Sharanahua: Diospan Tsain

⁴² Uhuun upa Isaac yafi uhuun shota Abraham aton Diosi u fu iyamacun mian maisi nichi cuana. Ascafiaiton un omitsiscai cuscan uhuun Diosin ua oian. Un mia curushcain yonoshona cuscan oian. Ascacun min namapan Diosin mia yoia mian chaca huanonma, —ishon yoiaiton.

Génesis 31:42 Referans Kwoze

Génesis 31:29

Un chaca huapaiqui mia chaca hua cuana. Ascafia uhuun namapan min upa ahuun Diosin ua yoia, “Jacob tsain curush yoiyamahuun,” ua hua.

Génesis 31:53

Min shota Abraham yafi uhuun shota Nacor aton Diosin noco oin. Nanton noco oin non shara huatanainton, —ishon Labán yoini. Jacob cumani isca huaquin, —Uhuun upa Isaac Upa Diosi nicacoinmisi. Urifi Diosihuunoashu mian yoiai cuscan un aicai, —ishon Jacob yoini.

Génesis 29:32

Leapan facu nanua furonanfacu cainni. Ascashon Lea yoiquin isca huani, —Nocon Ifoan oinni un fasi un shinanpaiyaiton. Ascacun Dioshuunshon uhuun funun ua facu nanumani. Ascacuraca natia uhuun funun ua noishquin. Uhuun facu anuquin Rubénran, —ishon anuni.

Génesis 31:24

Nan yamutan Labán ahuun namapan Diosin aqui oshon yoini. —Ua nicasharahuu. Jacob tsain curush yoiyamahuun, —huani.

Judas 1:9

Ascashon nai muran icafo Diospan oinmati niaifo patashari ahuun anu Miguel nantocai chaca huaifo cuscan asca huamisima. Ascashu Satanás fu fochishmanantananni Moisés naitian Satanás Miguel nitun huapaini Moisés ahuun caya mai huanonma. Ascafiacai Miguelcai nan Satanás roanima. Roatamarocon yoini isca huaquin, —Nocon Ifoan mia asca huairan, —ishon yoini.

Éxodo 3:7

Ascano Diosin afanan yoini isca huaquin, —Uhuun yora Israelifofin mun oianquin fasi omitsiscaifoan Egipciofoan ato curushcain yonomanai cusca fasi atsanai pashapaiyaifoan un oian. Un fasi atohuun ramapaicoian.

Génesis 31:12

“Oinpo. Nantifi cabra funufo raonyafo non cunuyafoanri cabra ahuinfo chotaiton. Ascan ato facufo mina itiro. Min coca Labán mia parafafainnai cuscan mun oian. Ascan un mia shara huashoi.

Génesis 31:5

Aqui fuafoan ato yoini, —Mun oian min upa natian uqui shinanchacai. Upancai ua shara huapaoni cuscan afanan ua huaima. Ascafiacai uhuun upa ahuun Diosin ua potamisima.

Génesis 27:33

Nicain Isaac fasi mustairini. Ahuun oi tuunyuyu iyanan yoini, —¿Ascano tsoancai ua nami nimurannoa fushoamun un pinon? Min nocoataima mun pia. Un mia yoisharapaiyai cuscan mun ushto yoia. Un yoishara cuscan ai, —huaiton.

Génesis 16:13

Nicaquin Agar nocon Ifo Diosi yoini isca huaquin, —Min ua oinmisiran min anu itiro, —ishon Agar yoini. Ascatan Agar shinanni isca huaquin, —Diosin ua oinmisi. Natian urifi un Diosi oianran, —ishon Agar shinanni.

Génesis 11:5

Asca huaifoan oin nocon Ifo Diosin nai murannoashu fotoni nan nocofunufoan pushu rasi huafain pushu toro cuyacoin huaifoan oin.

Génesis 32:9

Chipo Upa Dios cufinni isca huaquin, —Uhuun Ifo Diosin, uhuun shota Abraham yafi uhuun upa Isaac min aton Diosiri. Uhuun raisi mai anoashu un cataima mian yoia, “Mia ichapa inainran,” mian huani.

Génesis 35:3

Man ascahuano non Betel ari cai. Un omitsiscanitian un Upa Diosi cufinni. Un cufiain cuscan ua nicaquin ua numani. Un anoashu caacun ua cushusharani. Ascan nanno un toquiri putsashquin anoshon afanan Upa Dios cufinshquinran, —ishon ato yoini.

Génesis 46:1

Ascatan Jacob ahuun anu futsan Israel nan ipaoni anoashu nantifi ahuun ahuara ipaonifoya Egipto ari fonifo. Beerseba pushu rasi ano nocoshon Upa Diosi cufini nan yoia cuscan aashquin.

Daniel 2:23

Nocon Ifo Diosin minfin uhuun shunifoan aton Diosiquin. Un mia aicho huai. Minfin sharacoin fustiquin. Min ua tapimasharatan min curush ua inan. Non yocan cuscan min ua tapimana. Niaifoan nama cuscan mian tapimanaran, —ishon Daniel nocon Ifo Diosi cufini.