Génesis 31:30 - Sharanahua: Diospan Tsain

³⁰ Min upa pushu ano min fasi nasopaicai. Nanscaifin min caaquin. ¿Ahuuscai uhuun diosfo rami huafo mian onufuranitamun? —huaiton.

Génesis 31:30 Referans Kwoze

Génesis 31:19

Nantiari mai futsa ari Labán caquin ahuun chashoanfo rani shatuacuni. Ascan apa ahuun pushu anomano Raquel pushu muran iquishon apan ahuara rami hua cufinshon onuni.

2 Samuel 5:21

Filisteofoan ato ahuara rami huacashon atohuunoa yoiquin isca huamisifo, —Nanfo nocon diosiran, —huamisifo. Ichocaquin nanfo potanifo. Ascan David ahuun ranushumuafoan Filisteofo aton dioscoinfoma fonifo.

Éxodo 12:12

Nan man piai yamuri un Egipciofo nantifi ato pushu ano cai aton furun iyoafofo namashquin. Ascashon nantianri aton inapan facu funu iyoafofosi un ato namaquin futsai. Nan Egipciofo aton diosiran ishon afin ahuara rami huafofin un chacana huaicai. Unfin ato ismaicai nanfocai ahuama. Un Egipciofo ato onaintimai cuscacai tsoan ato numatiroma. Ascano Egipciofoan tapitirofo aton diosifocai Diosicoinfoma. Urus fustifin un Ifo Diosiquin.

Génesis 31:31

Ascaiton Jacob cumani, —Un shinaintan curushcain min facu mian fiainshafain un miqui ranoitan.

Génesis 35:2

Nicatan Jacob ahuun yorafo yoini isca huaquin, —Nan rami huafo maton dioscoinma man aya cuscan potafain nashitacahuun maton sahuutifo rama patsamuafo sahuucahuun.

Josué 24:2

Ascashon Josué nantifi Israelifo yoini isca huaquin, —Israelifoan nocon Ifo Diosin mato yoi isca huaquin, “Fari ichapacoin finonni maton shunifoan unu Eufrates ocuma futsa icafo ini. Ua cufintamarocon nan rami huafo cuscan cufinnifo. Nanno maton shunifo Taré yafi furun rafu Abraham yafi Nacor ini.