Génesis 31:26 - Sharanahua: Diospan Tsain

²⁶ Ascano aqui sinaquin Labán Jacob yoini, —¿Ahuuscai mian paranmun? Uhuun facu rafu min achi furani cafisca min huaa.

Génesis 31:26 Referans Kwoze

1 Samuel 17:29

—¿Ahuuscai min uqui sinaimun? ¿Un ato fu tsaintiromamun? —ishon David cumani.

Josué 7:19

Ascatan Josué Acán yoini isca huaquin, —Tsain icocoin fusti yoihuun nocon Ifo Diosi noco yononi cuscan. Min ascaifin minrifi min nocon Ifo Dioshuunoa yorafo shinanmasharatiroquin. Dioshuunoa yoisharahuun. Min aca cuscan noco yoihuun. Ua fomanyamahuun, —ishon Josué Acán yoini.

Génesis 34:29

nan ahuarafo pushu murannoafo cuyofinifo. Man ainfofo yafi facufori ato iyonifo.

Génesis 31:36

Fuchiyamacai Jacob ahuun raisiqui sinaquin yoini, —¿Unmun ahua chaca huaquin mian funai?

Génesis 31:16

Nantifi ahuarafo upana Diosin fianshon noco inain nocona non noco facufonari inon. Ascacun nantifi Diosin mia yoia cuscan huahuun, —ishon ahuin rafutan yoini.

Génesis 26:10

—¿Ahuuscai min noco fomanmun? “Ahuun chicoran,” ishon shinanriacani man futsa a fu iquirashquia. Ascacun Diosin oin non chaca huaiton noco onaintima cuana. Minhuun nufiacun noco onaintimaquin rashquia, —ishon yoini.

Génesis 12:18

Ascacun Faraón ahuun pushu muran Abram yoimani yocaquin isca huashquin, —¿Ahuuscai mian chaca huamun? ¿Ahuuscai mian tapimanamamun Sarai min ahuinfiacun?

Génesis 4:10

Nocon Ifo Diosin yoini, —¿Ahuuscai min ushto rutuamun? Min ushto mai huafia ahuun imi foaiton un oian. Ahuun imi foaiton min ushto ua yoi cafisca hua, “Uhuun ochin ua rutua. Ascacun uhuunshon uhuun ochi min onaintimatiroran,” ishon ua yoiaquin.

Génesis 3:13

Ascaiton nocon Ifo Diosin ainfo yoiquin isca huani, —¿Ahuuscaquimun min piaquin? —huaiton. —Nan ronon ua paraitofin un acaquin, —huani.

Génesis 2:24

Nan nocofunun ainfo fiatiancai afanan apa yafi ahua fu itiroma. Apa yafi ahuamaquinoashu pashcatiro ainfo fiiashu. Ascashu nan fusti cuscaran iishquin.

Juan 18:35

—¿Min shinanmun urifi un Israeli? Min yorafo futan maton yorafohuunshon Dios cufimisi niaifofoan mia uqui ihuuafo. ¿Min ahua chaca huacunmun mia uqui ihuuafoquin? Ua yoihuu, —huaiton.

Génesis 31:25

Machi ahuun anu Galaad ano Labán Jacobqui noconi. Nanno pano pushu muran Jacob ica ini. Ascashon Labán arifi nanno pano pushu huani.

Génesis 31:27

Ua yoitama min ichoitan. Mian yoifuranaiton un unimaqui manuyanan mia yoisharacuana.

Génesis 29:25

Ascan iyoconaino Jacob moiquin oian Raquel fu oshatamarocon Lea fu ica ini. Ointan Labán ano cashon yoini, —¿Ahuuscai mian asca huamun? Unfin mia yonoshonaquin Raquel fiishquin. ¿Ahuuscai mian paranmun? —ishon yocaiton.