Génesis 3:4 - Sharanahua: Diospan Tsain

⁴ Ascaiton ronon afanan Eva cumani, —Ma. Na fimi piashucaico man natiocufi. Tsoatsi fimi piashu namiscun.

Génesis 3:4 Referans Kwoze

2 Corintios 11:3

Ascacun un matohuun musui Satanás Eva parani cuscan futsafoan matorifi maton nomuran parapaicani man Jesús afanan tanasharayamafain Cristo fusti man noinonma.

Juan 8:44

Nanfin maton upa Satanasquin. Ascan maton upan apaiyai cuscan marifi man huapaiquin. Aafin taui rutumitsamisi ipaoniquin. Iconcai yoimisima. Atocai ahuara icon yoimisima. Ahuun nomuran chani fusti shinantiro. Nanscashori chani fusti yoitiro. Afin chanimisicoinquin. Chanimisifoan aton apacoin.

1 Timoteo 2:14

Ascacufin Satanascai Adán parayonima. Eva paraquin tau huani. Nanto chaca huaquin tau huani. Diosin ato yononi cuscacai nicanima. Ascano ichanainfotian ainfofoan nica fustitirofo.

2 Corintios 2:11

Non ascainocai Satanás noco fuparatiroma. Ascatan non asca huayamaino nocohuunoashu nan nocofunu funoi omitsiscacuana. Satanás noco amaquiri shinanmapai nan nocofunu rau huanonma. Non rau huayamaino fasi omitsiscatiro.

Génesis 3:13

Ascaiton nocon Ifo Diosin ainfo yoiquin isca huani, —¿Ahuuscaquimun min piaquin? —huaiton. —Nan ronon ua paraitofin un acaquin, —huani.

Génesis 3:3

Ascafia, “Nan mau nushmancayan nia futsa piyamafain manricai mutiroma. Nan muashu man natiroran,” ishon Diosin noco yoiaran, —ishon Eva yoini.