Génesis 3:19 - Sharanahua: Diospan Tsain

¹⁹ Min yonoifin niscamanhuancain yonoicain tushu piishquin nan min naitian. Un mia mai oni huani. Ascan nan min naitian afanan min mai onishquiran, —ishon Diosin yoini.

Génesis 3:19 Referans Kwoze

Génesis 2:7

Ascatan nocon Ifo Diosin mai fishon yora huaquin futsashon nocofunu onihuani. Asca huatan ahuun ruchocoqui ashaitanaino nocofunu shacaina cahuani ninon. Ascatan Diosin nocofunu oni huaquin tau huaniquin.

Efesios 4:28

Ratoran futsan mato murannoashu yomutsoaiton a yoisharacahuun afanan yomutsononma yonoquinsharacahuun ahuun rafanan fiishcaquin. Ascan nan ahuara futsa yopaitonfin man inantiroquin.

Génesis 18:27

Ascaiton Abraham afanan cumani, —Uhuun Ifon, minfin Dioscoinquin. Unfin nocofunu ahuamafiashon un afanan mia yocapai.

Daniel 12:2

Nantiari yora ichapa namisifo funishquicani. Ascashu funitan Diosi icano a fu nipashquicani. Atirifoanri niyoshon tsoan Ifo Diosi nicapaimisima nanfofin rafipaishquicaniquin. Nanfohuunoa Upa Diosin shinanchacapacunacaquin.

Génesis 23:4

—Nunocai uhuun maima. Unricai mato caifoma. Ascan ua mai inancahuun uhuun ahuin mai huanon, —ishon Abraham ato yoini.

2 Tesalonicenses 3:10

Man man shinainmun non mato muran ishon non mato yoini isca huaquin, —Tsoan yonoshomacai pitiromaran, —ishon mato yoini.

Salmos 103:14

Nan nocon Ifo Diosifin tapiaquin noco maihuunoa onihuani cuscan. Ascashu nocohuun ramapai.

1 Tesalonicenses 2:9

Uhuun yoramishtichin manmun ointiaquimamanmun un mato murannoashu curushcain yonopaoni. Ascafiaqui un ahuara yopaifiaquicai cashman un mato yocaquin fucash huapaonima. Ascatamarocon mato Diosin tsain shara yoiyanan shafatifi yafi yamuri un yonopaoni un yopai cuscan fiishquin.

1 Corintios 15:47

Diosin nan nocofunun Adán onihuaquin tau huani. Mai mapohuunoa onihuani. Cristori nocofunufiacun afin nai murannoashu nocoqui fotoni. Tsoancai onihuanima.

Hebreos 9:27

Ascan nantifi yorafo non nai futsushquin. Noncai nofiri yoitiroma ahuutianmain non naicain. Diosin fustiton yoitiro. Naashu nantifi non aqui nocoaiton niyoshon non amisi cuscan noco yoishquin. Noco yoiano nan Jesús icoinra huafoti afu ipasharatirofo. Nan icoinra huamisifoma ato omitsiscapanacafo muran potashquin.

Génesis 3:18

Nan min mau ano moshafo foaicain nahuan faquisifo foaishquin. Min mau ano fanashon min pitiro.

Salmos 127:2

Nocon Ifo Diosin nocohuun noi. Ascacun iscara shinanyamacahuun, —Unfin nan shafaino moi. Ascashu un yonoi nan faquishiaitian un unutiro. Un ascara yonoyamaino un non uhuun ahuin non uhuun facufoan ahua piyamai fonin natiroran, —ishon anori shinanyamacahuun. Nocon Ifoan noco noiquin noco tunumaquin noco shara huai non osha sharanon.

Génesis 5:5

Ascan nantifi Adán ahuun fari novecientos treinta fariashu nani.