Génesis 29:27 - Sharanahua: Diospan Tsain

²⁷ Asacacun nuno semanan fusti nituyohuun Lea fu oshayoshquin. Ascacun afanan siete fari finontan ua yonoshoyohuun. Min ascaiton uhuun facu Raquelri un mia inantiroran, —ishon Labán yoini.

Génesis 29:27 Referans Kwoze

1 Timoteo 6:10

Ascatan pui noicaquin chaca futsa futsatapafo huatirofo. Atirifi fasi pui fipaicaquin Jesús cachiquiri huacoincani. Asca huacanashu aton nomuran omitsiscai finacoinmisifo.

Génesis 29:26

—Nuno noco mai anoashucai noco facu chipocu funuyaritiroma iyoa funuyai chain. Nanscarafin noco fuyamisiquin.

Génesis 29:28

Labán yoini cuscan Jacob a fu yoinanni. Ascano semanan fusti Lea fu oshayoni. Semanan nocoano ahuin Raquel inancoinni.

Génesis 31:41

Nanscasi un amisi veinte fari mihuunoashu yonoi. Un mia yonoshona mucu rafuti non tau nushmancayanoati fari min facu rafu fiishquin. Un mia sharahuashofiamisi natian mian chaca huai. Un mia yonoshona rafanan uhuun pui min ua mucu rafuti huaquin shucamisi.

Génesis 29:20

Ascano Jacob ahuun coca Labán siete fari yonoshoni Raquel fu fiananshquin. Fasi ahuun noiquin siete fari yonoshofia shafa ranan shinantsa ini.