Génesis 29:17 - Sharanahua: Diospan Tsain

¹⁷ Lea furo chacaya ini. Nan Raquel fasi sharashta finacaiya ini.

Génesis 29:17 Referans Kwoze

Génesis 12:11

Ascan Abram Egipto ano nocoataima iquisi ahuun ahuin yosini isca huaquin, —Manshtan, mun tapia min fasi sharashtacoin. Ascan Egipciofoan mia oinqui yoishquicani isca huaqui, “Non Abram rutunon ahuun ahuin fiinshquin,” ishon yoishcani. Ascacun Egipto ano non nocoaitian ato yoiquin isca huahuu, “Abramfin uhuun ochiquin,” ato huahuu. Min anori ato yoiaiton mihuunshon ua rututamarocon ua shara huatiroforan, —ishon Abram ahuin yoini.

1 Samuel 10:2

Nan min nunoashu umaqui caitian min nocofunu rafuquin nan Raquel mai huanifoanno min atoqui nocoicai. Nan pushu rasi ahuun anu Selsa Benjamín ahuun funafoan mai ano min atoqui nocoaiton nan rafutan mia yoicani isca huaquin, “Nan min burrofo funaifin man fuchiafoquin. Natiacai min upan afanan burrofohuunoa shinantamarocon mia fasi shinain min ahuara chaca finoanran,” ishon nannori shinanquin. Nan rafutan mia yoishquicani.

Génesis 48:7

Un Padán-aram anoashu nasoaitian min uhua Raquel man nani. Nan Padán-aram Canaán muran. Non na mai Efrata nocoti chaima non min uhua fai cusumunri mai huani. Nantian nan Efrata anu futsa fiananan huani Belénran huani, —ishon Jacob yoini.

Génesis 39:6

Ascashon Potifar José yoini, —Nantifi uhuunafo cushusharahuu. Uhuun oinmati futsafoan min aton niaiforan, —ishon yoini. Potifarcai ahua shinannima nantifimain José cushushocun. Ahuun pushu anoshon pii fustini. José pushcohuai mutsisipa fuso sharayacoin ini.

Génesis 35:24

Ascano Raquel facu rafu. Iyoa José. Chipocun Benjamín.

Génesis 30:22

Ascafiacai Diosin Raquelhuun ointi aquimanima. Raquel cufian cuscan Diosin nica. Ascacun Dioshuunshon funun facu nanumani.

Génesis 29:18

Ascan Jacob Raquel noicoinquin ahuun coca yoini isca huaquin, —Siete fari un mia yonoshoni min facu chipocu fiishquin, —huani.

Génesis 24:16

Nan shomaya sharashtacoin nocofunu fu imisima. Nan chitun ano caa ahuun cuti fospihuashu afanan nasoa.

Génesis 12:14

Ascashu Egipto ano nococun nan Abram yoita cuscacoin nannori nantifi Egipciofoan yoinifo, —Na ainfo fasi sharashtacoinran, —ishon Saraihuunoa yoinifo.

Génesis 26:7

Nannoshon yocanifo, —¿Na ainfo sharashta min ahuamun? —huaifoan. Atoqui ratuqui, —Uhuun chicoran, —ishon ato yoini. —Sharashta oincaquin ahuun rafanan ua rututiroforan, —ishon Isaac ahuun nomuran shinanquin ato fomanni.

Génesis 29:16

Labán ainfacu rafuya ini. Iyoaton anu Lea. Chipocuton ahuun anu Raquel.

Génesis 29:30

Ascashu Jacob Raquel fu icoinni. Raquelhuun fasi noicoinni. Leahuucai ascacai noicoinnima. Ascatan siete fari finonmafain yonoshoyoni.