Génesis 29:15 - Sharanahua: Diospan Tsain

¹⁵ Ascatan Jacob ato fu oshu fusti finonni ahuun coca Labán yoini, —Min uhuun yorafiashon min ua cashman yonomatiroma. Min fipaiyaiti ua yoihuu mia inanon, —huaiton.

Génesis 29:15 Referans Kwoze

Génesis 31:7

Ua parafafainni. Uhuun yono ua shucapacufoanna. Ascafia Upa Diosin ua cushushara maton upa ua ahuusca huanonma. Ascatamarocon ua yoini min yonoa rafanan mun mia chashoan cunuyafo inainran ua huani. Ascan Diosin yononi nantifi chashoanfo ato facu cunuyafo. Chipo ua yoini min yonoa rafanan un mia ina raonyafo inainran ishon ua yoini. Ascan Diosin yononi nantifi chashoanfo ato facu raonyafo.

Génesis 30:28

Mian yonoshon ahuun rafanan min fipaiyaiti ua yoihuun un mia inanon, —huaiton.

Génesis 29:16

Labán ainfacu rafuya ini. Iyoaton anu Lea. Chipocuton ahuun anu Raquel.

Génesis 31:41

Nanscasi un amisi veinte fari mihuunoashu yonoi. Un mia yonoshona mucu rafuti non tau nushmancayanoati fari min facu rafu fiishquin. Un mia sharahuashofiamisi natian mian chaca huai. Un mia yonoshona rafanan uhuun pui min ua mucu rafuti huaquin shucamisi.