Génesis 28:22 - Sharanahua: Diospan Tsain

²² Upa Diosi un na toquiri nichiahuunshon nuno min pushuran ishon un shinantiro. Nan mian inainti pashcatama un mia inain. Un mucu rafuti fiaino mina fusti nitucacaini, —ishon cufinni.

Génesis 28:22 Referans Kwoze

Génesis 35:7

Betel ano nocoshon Jacob toquiri putsainini anoshon Diosi cufinshquin. Nan mai ano anuni El-Betel. Nannoashu ahuun ochiqui ichoaino aqui Diosin noconi.

Génesis 35:1

Asca huatan Diosin Jacob yoini, —Funinacahuu. Pushu rasi Betel ari catahuun nanno iyoshquin. Nanno toquiri putsainiqui huashon ua cufinhuun. Min ochi Esaú anoashu ichoaitian min ano icun un mia oinmariscatani. Nannoshon mian cufintiro, —ishon Diosin yoini.

Génesis 33:20

Pushu huatan toquiri putsainini anoshon nocon Ifo Diosin cufinshquin. Nannori anuni El-Elohe-Israel.

Génesis 28:17

Fasi ratucoinni. —Nuno fasi sharacoin. Diosin icanocai ahuara chaca itiroma. Nuno Upa Diosin ahuun pushu cuscaran. Nunoashu nocon Ifo Diosi icano non nocotiroran, —ishon yoini.

Génesis 12:8

Ascatan nannoashu cai pushu rasi Betel ano noconi. Nanno fari oaiquiri machi ichaparasi ini. Nannori ahuun pano pushu pochini. Ascano Betel pushu rasi faricaiquiri icano pushu rasi futsafoan ahuun anu Hai fari oaiquiri ini. Ascashon nannori afanan Abram toquiri putsainishon Ifo Diosi ahuun anuhuunshon cufinni isca huaquin, —Uhuun Ifo Diosiran, —ishon Abram yoini.

Génesis 21:33

Ascano nantia Beerseba ano Abraham nituyoni nii cuyamamishti ahuun anu tamarisco fanani. Nannoshon nocon Ifo Diosi nan nipanaca Abraham cufinni.

Génesis 47:24

Nan man veinte trigo cuscara fiqui Faraón cuatro man inantiro. Veinte cinco fiqui Faraón man cinco inantiro, Cinco fiqui Faraón fusti man inantiro. Nansca huapacuquin man cuyotiro. Nan tushua matona itiro, Ascan mato facufoyashon man pitiroran, —ishon José ato yoini.

Génesis 47:26

Ascashon José ato yononi cuscan aton mau ano fanashon nan ato inanni cuscan huaquin nanticoinri Faraón inancointirofo. Nantianri nanscara ato yonomisi. Nan rami huanifo, nan nocon Diosiran huafiafo Dioscoin inima. Nan rami hua cufinshomisifo aton maicai Faraonna inima.