Génesis 28:2 - Sharanahua: Diospan Tsain

² Padán-aram min chata Betuel pushu ari catahuun. Nannoashu min coca Labán ahuun facu futsa fu fiananhuun.

Génesis 28:2 Referans Kwoze

Génesis 25:20

Isaac cuarenta fariyashu Rebeca fu fiananni. Rebeca Betuel ahuun facu Labán chico. Nanfo Arameofo Padán-aram mai ano ipaonifo.

Génesis 46:15

Nanfo Lea futan Jacob aton facufo. Padán-aram anoashu cainnifo. Aton facu ainfacuri nannoashu cainni. Ahuun anu Dina ini. Nantifi aton facufo nocofunufo non ainfofori treinta tres ini.

Génesis 35:9

Jacob Padán-aram anoashu nasoano Diosin afanan aqui niinacahuani. —Un mia shara huairan, —ishon yoini.

Génesis 32:10

Un ahuara shara hua rafanancai mian shara huama. Mian yoia cuscan min acoinna. Uhuun upa mai ariashu un unu Jordán pocufuranitiancai un ahua ya inima. Natian un yora shoco rafu aya.

Génesis 28:5

Asca huatan Isaac ahuun furu Padán-aram mai ari nichini. Ascan Jacob ahuun coca Labán pushu ari cani. Nan Labán Betuel facu ini. Betuel Arameo ini. Ahuun facu Labán Rebeca ahuun ochi. Rebeca Jacob futan Esaú ahua ini.

Génesis 24:50

Betuel futan Labán cumanifo, —Nocon Ifo Diosin mia nichicun noncai mia Rebeca fishcotiroma.

Génesis 24:29

Nannori Rebeca ahuun ochi Labán. Nan Labán chico yoini cuscan nica pozon ano ichoni Abraham oinmati oin cai.

Génesis 24:10

Ascatan ahuun oinmatinin Abraham ahuun ina camellofo non ahuara shara futsa futsatapafo foni. Pushu rasi ahuun anu Nacor nan Mesopotamia mai ano nan fari caiquiri noconi.

Génesis 29:1

Jacob yorafo fari oaiquiri cani.

Génesis 33:18

Chipo Jacob Padán-aram anoashu caquin ahua finontama Siquem pushu rasi nan Canaán muran nocosharani. Pasotain ishon Siquem ointiro ini.

Génesis 24:4

Ascatamarocon un cainni ano min catiro uhuun yorafo murannoa min uhuun facu ainfo ihuushotiroran, —ishon Abraham ahuun oinmati yoini.