Génesis 26:24 - Sharanahua: Diospan Tsain

²⁴ Na yamu nocon Ifo Diosin aqui nocoshon yoini isca huaquin, —Unfin min upa Abraham ahuun Diosiquin. Ratuyamahuun. Un mi fu icaquin. Uhuun oinmati Abrahamhuunshon un mia shara huashoi. Un mia min funafo ichaparasi inainran, —ishon nocon Ifon Diosin Isaac yoini.

Génesis 26:24 Referans Kwoze

Éxodo 3:6

Nan min shunifo Abraham non Isaac non Jacob un aton Diosifin Unquin, —ishon yoini. Nannori huaiton nicain Moisés fasi ratucoinquin shinanni isca huaquin, —Un Diospan fuso oin un nariscatiroran, —icashu fufopomuni Diospan fuso oinshquima.

Génesis 17:7

Un mia yoiyotiani cuscan min funafori un ato yoishquin. Un min Diosin imisi cuscan nanfoan ato Diosiri un iishquin.

Génesis 15:1

Ascashon chipo nocon Ifo Diosin Abram ahuun namapa cuscara yoiquin isca huani, —Abram, ratuyamahuun. Un mia cushui mia ahuusca huanonfoma. Unfin mia fasi shara huaiquin, —ishon yoiaiton.

Hechos 7:32

“Unfin min shunicaifoan aton Diosiquin. Abraham non Isaac non Jacobori un aton Diosiran,” ishon yoini. Nicatan Moisés ratui taritarini. Afanan uru oinyamafiain aqui ratuni.

Génesis 24:12

Ascano Abraham ahuun oinmatinin Upa Dios cufinquin isca huani, —Nocon Ifo Diosin min uhuun ifo Abraham ahuun Diosi. Na shafata ua ashopun uhuun ifo Abraham ua yonoa cuscan un ashonon. Uhuun ifo Abrahamhuun ramapaihuun shara huahuu.

Apocalipsis 1:17

Nan ointani un ananman pacua nan naa shinantsai. Ascaiton ahuun mucu mumihuurishon manmainyanan ua yoiquin isca huaa, —Ratuyamahuu. Ahuara oniataima un iyopaoni. Nanscarifiai un ipanaca. Uncai unupacunacama.

Génesis 28:13

Paiti amanaonri nocon Ifo Diosin nia oinni. Nocon Ifoan yoini, —Unfin min Ifoquin. Min shota Abraham yafi min upa Isaac un aton Diosin. Na min mai oshanoa un mia inanfain min funafori inanshquin.

Génesis 13:16

Ascan unfi min funafo ichapacoin cai huaicai. Tsoan mai furo tananhuatiroma. Nanscarifi ai chipo min funafori tsoan tanan huatiroma iishquin.

Hebreos 13:6

Ascan iconcoin non yoitiro isca huaquin, “Un ahuara huaiton uhuun Ifoan uari ashomisi. Ascacufin un ratuima. ¿Upa Diosin ua cushuainocai nocofunufoan ua ahuusca huatiromun?” ishon non yoitiro.

Lucas 12:32

Ascano uhuun yorafoan ratuyamacahuun. Maton Upa Diosin mato cushushara. Nantifi ahuuna matori inain. Unimacai mato inanshquin.

Mateo 22:32

Isca huaquin Diosin yoini, “Unfin Abraham non Isaac non Jacob afoan aton Diosiquin,” ishon yoini. ¿Yora naashu afanan funiyamaino ahuuscashumun Dios fu itiroquin? Ascafia ascarama. Yora man naafianishaquin afanan nia nanfofin Dios fu itirofoquin. Ascacun Upa Diosifin aton Diosiquin, —ishon Jesús ato yoini.

Génesis 31:5

Aqui fuafoan ato yoini, —Mun oian min upa natian uqui shinanchacai. Upancai ua shara huapaoni cuscan afanan ua huaima. Ascafiacai uhuun upa ahuun Diosin ua potamisima.

Génesis 22:19

Ascano nannori nicatan Abraham ahuun facu fu ahuun oinmatifo nituafoanno naso furanifo. Atoqui nocoshon ato Beerseba mai ano iyoni.

Hebreos 11:16

Ascan ari nasopaitama Dios icarirocon fasi shinannifo ari nocopaicaquin. Nanfoan tapinifo nanno fasi shara finacoian. Ascashon Upa Diosin nan icari ato itishara huashoano afu ipanonfo. Ascacufin atohuunoa ranotama yoini isca huaquin, —Unfin ato Diosiquin, —ishon yoini.

Génesis 17:8

Nuno icanoafo min caifoma. Un nantifi nan mai Canaán min non min funafori un nantifi nan mai mato inain matona ipanaca. Unri min funafo aton Diosiri iishquinran, —ishon Diosin yoini.

Génesis 21:17

Ascan nan facurifi uaicaiton Upa Diosin nicani. Ascano Diospan oinmati a fu nai muran icaton nai muranshon Agar cunashon yoini isca huaquin, —¿Agar, min ahuuscaimun? Ratuyamahuu. Min facu nanno racashu uaicaiton Upa Diosin nica.

Génesis 22:17

Un mia shara huashoshquin. Nan fishifo tsoancai tanan huatiroma. Mai furoricai tsoan tanan huatiroma. Nanscarifiai min funaforicai tsoan tanan huatiroma iishquin. Ratora yorafoan min caifo rutupai min funafoan atori shuhuitiro ato pushu rasi fiishquin atona inon.

Génesis 28:3

Diosin ahuamamishti huatiroshaquin mia cushusharai min funafo ichaparasi cainonfo. Mihuunoashu manifoti ichapa cainonfo.

Génesis 28:15

Un mi fu. Nan min cai cuscan un mia cushui. Un mia nuno nan mai ano nasoin. Un mia yoiyoni cuscan min huaiton un mia potapacunacamaran, —ishon nocon Ifoan Jacob yoini.

Génesis 30:27

Ascaiton Labán cumani, —Raisin, u fu nitupun. Shoiti cuscara ua tapimana minhuunshon Diosin ua shara huai.

Génesis 46:1

Ascatan Jacob ahuun anu futsan Israel nan ipaoni anoashu nantifi ahuun ahuara ipaonifoya Egipto ari fonifo. Beerseba pushu rasi ano nocoshon Upa Diosi cufini nan yoia cuscan aashquin.

Génesis 39:2

Nocon Ifo Diosin ahuun Yoshin Shara José fu rafuni. Ascano José nan Egipcio Potifar yonomasharani. Ascashon ahuun pushu muranri imani.

Génesis 39:3

Nocon Ifo Diosin José fu rafucun Potifar oinni. Ascaiton José acai cuscan oian nantifi sharacoin ini.

Éxodo 14:13

Nannori huafiaifoan Moisés ato cumani isca huaquin, —Ratuyamacahuun. Nocon Ifo Diosin noco numai cusca nan fusti shinancahuun. Noncai afanan Egipciofoan noco mufainaifotian non ato afanan oinnacama. Nocon Ifo Diosin noco numai cusca man samamashta oincai.

Deuteronomio 31:6

Nocon Ifo Diosin mato fu cai matocai potapacunacama mato fu icacainshquin. Ascano nocon Ifo Diosin ahuun curushhuunshon mato amapaiyai cusca huafafaincahuun. “Nocon Ifo Diosin noco yonoa cusca non huatiroran,” ishon shinancahuun. Nan caifo futsafoqui musuyamacain atoqui ratui taritariyamacahuun, —ishon Moisés ato yoini.