Génesis 25:6 - Sharanahua: Diospan Tsain

⁶ Ascashon nan Abraham ahuun ahuin futsafo aton facufo ahuara shara atori inancoinni. Nan futsaqui acafo mai futsa ari ato nichini fari oaiquiri chaicoin. Ascano Isaac fusti a fu nituni.

Génesis 25:6 Referans Kwoze

Génesis 21:14

Ascan iyoconaino funamarishta Abraham Agar tushu yafi unu fichi tutso murannoa inanni. Abraham Agar ahuun tushu yafi unu papimani aya catanon. Ahuun facu Ismael ahua Agar fu cani. Ascano nan tsoan istaipama anuni Beerseba ano cahuascaini.

Hechos 14:17

Ascafiashu afincoin ahuu cuscaramainquin ato ismamisi. Tsoacai “Diosin ahuu cuscaramainquin ua ismamaran,” itiroma. Diosin nantifi manifoti anoafo shara huapai ato isma. Ascan maton mai ano oi fumamisi maton fanafo foaisharanonfo. Mato tushu ichapa inanmisi maton ointi unimanonfo, —ishon ato yoini.

Mateo 5:45

Diosin fari onihuani yora sharafo yafi chacafori chashashonon. Nanscarifi huaquin Diosin oirifi onihuani nan yora sharafo yafi chacafori ato onihuashoni. Diosifin nan tanaifo yafi a chaca huaiforifi ato shara huamisi. Ascacun marifi nanscarifi huacahuun a mato shara huaifo yafi mato chaca huaifori shara huacahuun. Asca huaifin marifi man Diospan facucoinfoshon futsafori man ato ismatiro.

Génesis 35:22

Nanno ishon Israel nicani ahuun facu Rubén ahua futsa Bilha chotaiton. Tapiashu sinacoinni.

Génesis 32:22

Nan yamu Jacob ahuun ahuin rafu non aton oinmati ainfo rafu non ahuun facufo once nan ahuun ahuarafoyashon unu Jaboc noamashta pocufainnaifono nanno arus fusti nituni.

Génesis 25:1

Ascano Abraham ahuin futsa fini. Ahuun anu Cetura.

Génesis 30:9

Ascano Leapan tapini afanan facu nanuyamai. Ascashon ahuun yonomati Zilpa funu ano iyoni a fu inon.

Génesis 30:4

Ascaquin Raquel ahuun yonomati Bilha ahuun funu Jacob inanni ahuun ahuin futsa cuscaran inon. Ascan Jacob Bilha fu ica.

Génesis 29:1

Jacob yorafo fari oaiquiri cani.