Génesis 25:33 - Sharanahua: Diospan Tsain

³³ —Diosin mia oinquin natian ua yoihuu, —huaiton. —Ua upan chipo inain cuscan un fiama mincaimun fiishquicai. Diosin ua oiainno un nannori yoiran, —ishon yoini.

Génesis 25:33 Referans Kwoze

Hebreos 12:16

Ascatan maton ahuinma fu iyamacahuun. Ainfofoan maton funuma furi iyamacahuun. Ascashon Diosin mato inanpaiyai cuscan fiicasmaquima nancairocon fiicahuun. Ascashu Esaú ini cuscan ayamacahuun. Aatocai Diosihuunoa shinanpaonima. Diosin Esaú inansharapaifiaiton fasi fonicoinquin ahuun ushto inanni ahuun rafanan tushu fiishquin. Nan piai fustihuunshon nantifi Diosin inanpaiyai cuscan funocoinni. Ascacun marifi ascayamacahuun.

Hebreos 6:16

Ascacufin non tapitiro Diosin nan yoiai cuscacoin huamisi. Ascan futsan noco ahuara yoiquin icoinra huamapaiyai cuscan nan futsan finoncoiaiton nannoricoinrifi noco yoiaihuunshon non icoinra huatiro. Ascan tsoancai, —Anorimaran, —ishon fochishmatiroma.

Génesis 27:36

—Icoquin man anuni Jacob. Paramitsamisi. Man ua paraquin rafu hua. Tau huaquin min ua inain cuscan afin fia. Unfin iyoa uhuunafin itiroquin. Ascafia man rufofo fia. Natian mian yoisharapaiyai cuscan man ua fiiyan. ¿Upashtan uari mian ahuara yoisharatiromamun un finon? —huaiton.

Marcos 6:23

Diosin tapia un mia icon yoiaiton min fipaiyai cuscan ua yoihuu un mia inanon, —ishon yoini.

Génesis 24:3

Nocon Ifo Diosi nantifi nai murannoafo non mai anoafoanri aton Diosi. Nan Diosin mia nicaino ua yoihuu nan Canaán anoacai uhuun facu Isaac ainfo fima. Un ato muran ifianocai nunoa min uhuun facu ainfo fimatiroma.

Génesis 14:22

—Ma. Un min ahuarafo fitiroma. Diosin nantifi mai anoafo oni huafain nai murannoafori oni huani. Ascan mina mian inanshon min yoitiro isca huaquin, “Un Abram inan cuscahuunoashu ahuara fasi ichapayaran,” ishon min yoitiro. Uncai mia ahuashta fiantiroma. Nannorifi un nocon Ifo Diosi yoiaquin. Uncai mina ahuara fipaima.

Génesis 25:32

—Iyoacai fiashumun un ahuama unfin fasi fonicoincain, —huaiton.

Génesis 25:34

Ascaiton nami futumua yafi misi inanni. Inainton piqui manya huatan iyoaton fiyai cuscan aacai shinantama Esaú funicaini.

Génesis 27:1

Ascano man Isaac anifocoian fusho ini. Nantian ahuun facu iyoa Esaú cunashon yoiquin isca huani, —Uhuun facushta, —huaiton. —Upan un nunoran, —ishon cumaiton.

Génesis 27:32

Ascaiton Isaac yocani, —¿Min tsoamun? —huaiton. —Unquian Esaú min facu iyoaran, —huaiton.