Génesis 25:21 - Sharanahua: Diospan Tsain

²¹ Rebeca toosma ini. Ascacun Isaac Diosi cufinshoni facu nanunon. Nocon Ifo Diosin nicashon Rebeca facu nanumani.

Génesis 25:21 Referans Kwoze

Lucas 1:13

Ascafiaiton Diosin oinmatinin afu nai muran icaton yoini isca huaquin, —Ratuyamahuu, Zacarías. Min cufiainton Diosin man mia nica. Min ahuin Isabel chipo furonanfacu nanushquin. Ascan caincun min anuquin Juanran min huashquin.

Lucas 1:7

Ascafiashu facuoma rafu. Zacarías anifo icaino ahuinri yoshafo toosma ini.

Salmos 91:15

Ua cunaiton un cumashquin. Ahuara chaca finoaintian un a fu iishquin. Un numafain un ahuunoa yoiquinshara huashquin.

Génesis 11:30

Nan Saraicai facu nanutiroma toosma ini.

Salmos 145:19

Ratora futsan nocon Ifohuunoa yoisharamisicun naanfin fuchipaiyai cuscan ato inainquin. Nanfofin ato nicafain ato numashquiquin.

Salmos 127:3

Nocon Ifo Diosifin noco facufo inanquin noco shara huashquin.

1 Samuel 1:11

Nan cufiaintian Anapan nocon Ifo Diosi yoini isca huaquin, —Ifo Diosin, min ahuamamishti huatiro. Unfin min oinmatiquin. Un omitsiscai cuscan ua shinanhuun. Ua furonanfacu inanpun. Mian furonanfacu inainton un chipo mia inanshquin mina inon. Nan niyoatian uhuun facu min oinmati ishquin. Ascacun nanfin mina ishquiquin ahuun foocai tustupacunacamaran, —ishon Anapan nocon Ifo Diosi cufinni.

1 Samuel 1:2

Elcana ahuin rafuya ini. Aton anu rafu Ana yafi Penina. Nan Penina facuya ini. Ascano Ana toosma ini.

1 Samuel 1:17

Ascaiton Elí cumani isca huaquin, —Ascacun afanan shinanchacayamahuu. Min Israelifoan Diosi cufian cuscan mia ashopainonran, —ishon Elí yoini.

Génesis 30:22

Ascafiacai Diosin Raquelhuun ointi aquimanima. Raquel cufian cuscan Diosin nica. Ascacun Dioshuunshon funun facu nanumani.