Génesis 25:10 - Sharanahua: Diospan Tsain

¹⁰ Nan mai Abraham nataima Hititafo ato fishoni. Nannori ahuin Sara yafi Abraham naacun nan quini fusti muran ato mai huani.

Génesis 25:10 Referans Kwoze

Génesis 23:16

Ascan nan ahuun caifoan nicaino Efrón yoca cuscan nanticoin pui Abraham inanni. Inanmitsamisifoan tanan huamisi cuscan cuatrocientos toro cuno facafacaitsa inanni.

Génesis 49:31

Ascan uhuun shota Abraham non ahuun ahuin Sara non uhuun upa Isaac non uhua Rebeca nanno mai huanifo. Nannori uhuun ahuin futsa Lea un nan mahua quini muran mai huani.

Génesis 10:15

Nan Canaán ahuun facu iyoacoin ahuun anu Sidón ini. Nan Sidón chipocu Het.

Génesis 23:3

Ahuin Sara naacun ahuun caya Hititafo ano foni. Ascashon ato yoini isca huaquin,

Génesis 47:30

Un naitian ua nuno Egipcio mai anoshon ua iyoicahuu uhuun shunifo mai huanifo ano ua maihuaicahuun, —ishon Jacob ahuun facu José yoini. —Ai, upan, mian yoiai cuscan un mia huairan, —ishon yoini.

Génesis 23:17

Ascan Efrón ahuun mai Mamre chaimashta nantifi niifo non mahua quiniri Abraham inanni.

Génesis 23:20

Ascashon nan mai mahua quiniya Hititafoan Abraham inannifo ahuun yorafo nanno mai huanon.