Génesis 24:67 - Sharanahua: Diospan Tsain

⁶⁷ Yoiaiton Isaac ahuan Sarapan pano pushu muran Rebeca iyoni ahuun ahuin inon. Ascatan taui Isaac ahua fasi shinancoinni. Rebeca nocoanocai ahuun noicoinquin afanan ahua shinancoinnima.

Génesis 24:67 Referans Kwoze

Génesis 38:12

Fari ranan finontan Judá ahuin nani. Ahuin manoquin unutan mai futsa ari cani. Nan pushu rasi ahuun anu Timnat. Nannoshon nocofunufoan aton chashoanfo aton rani shatushon sahuuti huanifo. A fu rafua Hira a fu cani. Nan Hira Adulamitafo aton caifo ini.

Génesis 37:35

Nantifi ahuun facufoan yoisharapaifiaifoanno ahuuncai fasi uaiqui finacoini. —Uncai uhuun facu manoquin unuima. Naan un naitian, —ishon Jacob ahuun facufo yoini.

1 Tesalonicenses 4:15

Non mato yoia cuscan nan Diosin tsaincoin. Nocon Ifo nai ariashu oaitian nan niyoafocai nocon Ifoqui nocoi tau canima. Ascafia Jesús icoinra huacanashu nan niyoafo yafi namisifo nannoranan nocon Ifoqui nocoshcani. Nanscafin anonpacoiquin.

1 Tesalonicenses 4:13

Uhuun yoramishtichin, un mato yosiain cuscan huafain nicasharacahuun. Jesús icoinra huafo naashumain ahuuscacanimainquin un mato tapimai icoinra huamafoan ahuun yora naacun manoaifo cuscan marifi man ato cuscara iquima. Afoan shinancani ato yora naacun non afanan ato oinnacamaran icashu.

Génesis 29:18

Ascan Jacob Raquel noicoinquin ahuun coca yoini isca huaquin, —Siete fari un mia yonoshoni min facu chipocu fiishquin, —huani.

Génesis 25:20

Isaac cuarenta fariyashu Rebeca fu fiananni. Rebeca Betuel ahuun facu Labán chico. Nanfo Arameofo Padán-aram mai ano ipaonifo.

Génesis 18:6

Ascatan Abraham ahuun pano pushu ano ichoni Sara tapimaicai. Ascashon ahuin Sara yoini, —Ariscahuu. Veinte dos litros de harina firiscahuu ato misi huashoshquin, —ishon ahuin yononi.

Génesis 24:66

Ascatan Abraham ahuun oinmati Isaac ano yoicai cani. Nantifi aca cuscan yoipacuni.

Génesis 25:1

Ascano Abraham ahuin futsa fini. Ahuun anu Cetura.