Génesis 24:35 - Sharanahua: Diospan Tsain

³⁵ Uhuun ifo Abraham nocon Ifo Diosin fasi shara hua. Ascan natian ahua yopaima. Diosin chashoanfo inanfain moifo inanfain cuno facafacaitsa inanfain oro inanfain nocofunu oinmatifo inanfain camellofo inanfain burrofo inan.

Génesis 24:35 Referans Kwoze

Génesis 24:1

Ascano nantia Abraham fasi anifoshta ini. Nocon Ifo Diosin Abraham nan apaoni cuscan nantifi shara huashoni.

Génesis 13:2

Nantia Abram ina ichapaya ini oro yafi cuno faca facaitsa ichapacoinya ini.

Salmos 107:38

Nocon Ifo Diosin ato shara huafafainni aton facu ichapa cainon. Nocon Ifo Diosin yonoa cuscan aton moifori ichapa cainon.

Mateo 6:33

Ascacun Diosicairocon shinancahuun. Mato yonomapaiyai cuscan nan fusti shinanfafaicahuun. A cuscara shara ipaicahuun. Nancai shinanquin tau huafafaincahuun. Man ascaiton ahuara futsa man yopai cuscan Upa Diosin mato inanshquin.

Génesis 25:11

Man Abraham naano chipo Diosin Isaac shara huani. Isaac pozon ano iyopaoni. Unu chitun anuni —Nan niaton unu ayaquin ua oinran, —ishon yoimisi.

Génesis 12:2

Min funafohuunshon min caifo ichapacoin un imanon. Ascacun un mia fasi shara huashquin. Ascaiton nantifi yorafoan mihuunoa nicashcani. Ascashon mihuunshon nantifi yora maitio anoafo un ato shara huashquin.

1 Timoteo 4:8

Non ejercicio huaino noco caya non shara huatiro mutsisipa iishquin. Nanscarifiai non Dios cuscara ipaiquin ahuun tsain nocon nomuran non nanuaiton ahuun curushu noco inanshquin. Nancaifin shara finacoianquin. Natian noco shara huatiro. Ascashon non Jesusqui nocoaiton noco imasharapacunaca.

Génesis 49:25

Min Diosi ahuamamishti huatiro. Nanfin min upa non min shunifoan aton Diosiquin. Nanton mia ahuara ashoshquin. Diosin icanoshon mia shara huafain mai anoshori mia shara huafain min facufori aton ahuafo facu cainmasharafain ato shoma ayamasharashquin.

Génesis 12:16

Ascacun Saraihuunshon Faraón Abram fasi shara huani. Ahuara ichapa inanni. Chashoanfo inanfain moifo inanfain burrofo funufo yafi ahuinfo inanfain camellofo inanfain ahuun oinmati nocofunufo yafi ainfofori inanni Abram ahuun yonomatifo inonfo.

Lucas 12:45

Ascafia nan niaifo patashari chacapan ahuun nomuran shinanqui isca huatiro, “Uhuun niaifo funa nasoimaran,” ishon shinanquin oinmatifo futsafo nocofunufo yafi ainfofori ato chaca huaqui futsani. Ascashu shafatifi pauncain monoi.

Génesis 12:3

Ascan tsoan mia shara huacun unri ato sharahuai. Tsoan mia chaca huacun unri ato chaca huashquin. Nantifi yora maitio anoafo mihuunshon un ato shara huashquin, —ishon Diosin yoini.

Génesis 25:5

Ascano Abraham ahuun ahuarafo ahuun facu Isaac inanni.

Génesis 30:43

Nansca huai Jacob ahuara ichapayacoin. Chashoanfo ichapaya icain nocofunu yonomatifo ichapa icain ainfofo yonomatifo ichapaya icain ina camello ichapaya icain burro ichapaya ini.