Génesis 24:3 - Sharanahua: Diospan Tsain

³ Nocon Ifo Diosi nantifi nai murannoafo non mai anoafoanri aton Diosi. Nan Diosin mia nicaino ua yoihuu nan Canaán anoacai uhuun facu Isaac ainfo fima. Un ato muran ifianocai nunoa min uhuun facu ainfo fimatiroma.

Génesis 24:3 Referans Kwoze

1 Corintios 7:39

Ascatan tsain futsari un mato yoi. Ahuun funu naamanocaiyainfoan funu unutiroma futsa fu fiananshquin. Ascashu funu naano futsa fu fuchinanpai afu fianantiro. Ascafiacun ainfoan Jesús Ifo huashon nocofunun a Ifo huacuma fitiroma.

Génesis 28:8

Ascaiton Esaú shinantani Canaán anoa ainfofo apan fuchishopainima.

Josué 2:12

Ascan maton Ifo Diosin ahuun anuhuunshon ua yoicahuun un mato shara hua cuscan marifi man ua shara huanon. Ua non uhuun yorafori man afanan nuno Jericó ano nocoaitian noco shara huashcaquin. ¿Man ua ahuara ismatiromun man uhuun caifo cuyoaitian ua non uhuun upa non uhuun uhua non uhuun ochifo non uhuun ushtofo non uhuun chipifo non uhuun chicofo non aton yorafori shara huaquin man noco rutunonma? ¿Man ua ahua ismatiromun man ua non uhuun yorafo nocon caifo man cuyoaitian un mia icoinra huanon man noco rutunonma? —ishon Rahab ato yoini.

Deuteronomio 6:13

Ascan nocon Ifo Diosi fusti icoinra huacahuun. Mato amapaiyai cusca shafatifi acahuun. Man futsa yoiai cusca mato icoinra huanon nocon Ifo Diosi ahuun anuhuunshon yoicahuun. Tsoa futsa ahuun anuhuunshon yoiyamacahuun mato icoinra huanon.

Éxodo 20:7

Uhuun anu ipaitsi yoiyamacahuun. Tsoan uhuun anuhuunshon futsafo paranpai nan cuscarafo un ato onaintimashquin.

Génesis 50:25

Asca nunoashu man caitian Diosin mato oiainno yoicahuun uhuun shaofori man fotiro nanno na mai shara ano uhuun shaofo mai huanonfo, —ishon ato yoini.

Génesis 27:46

Chipo Rebeca ahuun funu yoini, —Man nocon facu Esaú ahuun ahuin rafu nan Hititafoan uhuun nomuran ua fucash huacani. Atohuunoashu un afanan ipaima. Nocon facu Jacob arifi Hitita ainfo nuno Canaán anoashu fianancunfin un naacaifin shara icuanaquin, —ishon Rebeca funu yoini.

Génesis 21:23

Ascacun ua yoihuu mincai ua non uhuun facufo non uhuun funafori min noco parapacunacama. Nuno min maiyamafiacun un mia sharahuamisi cuscan uhuun caifoya noco shara huahuu, —ishon Abimelec Abraham yoini.

Génesis 14:19

Asca huatan Melquisedec Abram yoiquin isca huani, —Nocon Diosin nantifi finoncoian. Nanton nantifi onihuani. Nantifi mai anoa oni huafain nai murannoafori oni huani. Abram, Diosin mia shara huanon. Upa Diosin nantifi finoncoian fasi sharacoin. Ahuunshon nan mia noicasmafo min ato finonfain ato min achiaran, —ishon Melquisedec Abram yoini. Ascaiton Abram nantifi aya cuscan fusti rasi Melquisedec inanpacuni.

Génesis 6:4

Ascano nantiari yora fasi cuyatapacoinfo mai ano ipaonifo. Nanfo fasi mutsisipacoin inifo. Ascashon nanfoanri ahuarafo huaifoan oinquin futsafoan yoinifo, —Aira. Nan cuyafofoan ahuamamishti huatioforan, —ishon ipaonifoan yoinifo.

Hebreos 6:16

Ascacufin non tapitiro Diosin nan yoiai cuscacoin huamisi. Ascan futsan noco ahuara yoiquin icoinra huamapaiyai cuscan nan futsan finoncoiaiton nannoricoinrifi noco yoiaihuunshon non icoinra huatiro. Ascan tsoancai, —Anorimaran, —ishon fochishmatiroma.

1 Samuel 20:17

Ua noiquin afanan ua yoiyohuun uhuun yorafo min ato shara huashquinran, —ishon Jonatán David yoini. Ascan Jonatán afin noimuai cuscan Davidhuuri noicoinni.

Génesis 14:22

—Ma. Un min ahuarafo fitiroma. Diosin nantifi mai anoafo oni huafain nai murannoafori oni huani. Ascan mina mian inanshon min yoitiro isca huaquin, “Un Abram inan cuscahuunoashu ahuara fasi ichapayaran,” ishon min yoitiro. Uncai mia ahuashta fiantiroma. Nannorifi un nocon Ifo Diosi yoiaquin. Uncai mina ahuara fipaima.

Génesis 24:7

Nocon Ifo Diosi nai muran icaton ua uhuun upa ahuun yorafo anoshon nan un cainni ano ua ihuuni. Nannoricoinfin ua ahuun tsain yoiniquin. Ua yoiyoni isca huaquin, “Nan mai min facu non min funafori un ato inainran,” ishon Diosin ua yoiyoni. Diosin ahuun oinmati nan a fu nai muran ica rucu nichishquin nannoa min uhuun facu ainfo fuchishonon.

Génesis 28:1

Ahuinin yoiaiton nicatan Isaac ahuun facu Jacob cunani yoi sharashquin. Yoiquin isca huani, —Upashta, na Canaán murannoa rato ainfo fiyamahuun.

Génesis 47:31

—Diosin noco oin un mia yoia cuscan ua yoihuun, —ishon apa yoini. Ascano José yoini, —Diosin ua oinquin mian yoia cuscan un mia ashoiran, —ishon José apa yoini.

Génesis 34:9

Copiquiri nocon shafofo man fiaino norifi mato shafofo non ficain.

Génesis 38:2

Arishon Cananeo ahuun anu Súa ahuun facu Judá fu fiananni.