Génesis 21:33 - Sharanahua: Diospan Tsain

³³ Ascano nantia Beerseba ano Abraham nituyoni nii cuyamamishti ahuun anu tamarisco fanani. Nannoshon nocon Ifo Diosi nan nipanaca Abraham cufinni.

Génesis 21:33 Referans Kwoze

1 Timoteo 1:17

Ascano nocon Dios Niaifocoin nipanaca. Arus fusti Dios futsa yamai. Tsoancai Dios ointiroma. Nantififain non ahuunoa yoisharapacunaca isca huaquin, —Mirusu fustiton nantifi tapicoian. ¡Aicho! —ishon non yoipacunon.

Génesis 12:8

Ascatan nannoashu cai pushu rasi Betel ano noconi. Nanno fari oaiquiri machi ichaparasi ini. Nannori ahuun pano pushu pochini. Ascano Betel pushu rasi faricaiquiri icano pushu rasi futsafoan ahuun anu Hai fari oaiquiri ini. Ascashon nannori afanan Abram toquiri putsainishon Ifo Diosi ahuun anuhuunshon cufinni isca huaquin, —Uhuun Ifo Diosiran, —ishon Abram yoini.

Génesis 4:26

Ascano Setpan ahuun ahuin facu nanua nocofunu cainni. Nan caincun anuni Enós. Nan Enós cainnitian yorafoan tau huaquin nocon Ifo Diosi ahuun cufinpaonifo a fu tsainshquin.

Romanos 1:20

Nantifi onihuaquin tau huanitian natianri ato shafacafi ismamisi. Mai yafi nai onihuani cuscan nantififain oinmisifo. Diosin ahuamamishti huatiro oinmisifo. Ascacun, —Uncai tapiama ahuu cuscaramain Diosiquin, —itirofoma. Nan tapiamafofin atohuun nuaquin.

Génesis 26:33

Ascan Isaac nan pozo anuni Seba. Seba tsain futsaman —Yoinonnanshararan, —ishon anuni. Ascan nantiari nanno nan pushurasi anumisifo Beerseba.

Génesis 26:25

Nicatan Isaac toquiri putsamuinia anoshon nocon Ifo Diosi cufinshquin. Nanno ahuun pano pushu pochifain ahuun oinmatifoan afanan pozo poquinifo.

Génesis 26:23

Nannoashu pushu rasi Beerseba ano cani.

Hebreos 13:8

Ascashu Jesucristo ipaoni cuscan natian icai cuscan yafi ishquiai cuscari nancai fianananpacunacama. Nanscasipacunaca.

Génesis 21:32

Ascan yoinainsharatan Abimelec yafi ahuun ranushumuafo aton niaifo Ficol Filisteofo icano naso furanifo.

Éxodo 15:18

Ifon Diosin minfin nantifi iquipacunacaquin, —ishon Moisés futan Israelifo nocon Ifo Diosi fanainshonifo.