Génesis 21:24 - Sharanahua: Diospan Tsain

²⁴ Nannori huaiton nicain, —Ai. Min ua yoia cuscan un nannoricoin min non min facufo non min funafori un mato paranpacunacama. Un non uhuun yorafoanri mato shara huapacunacaran, —ishon Abraham yoini.

Génesis 21:24 Referans Kwoze

Hebreos 6:16

Ascacufin non tapitiro Diosin nan yoiai cuscacoin huamisi. Ascan futsan noco ahuara yoiquin icoinra huamapaiyai cuscan nan futsan finoncoiaiton nannoricoinrifi noco yoiaihuunshon non icoinra huatiro. Ascan tsoancai, —Anorimaran, —ishon fochishmatiroma.

Romanos 12:18

Nantifi yorafo ya rafupaisharacahuun. Man asca shara huapaifiaino futsan matofu isharapaiyamainocai matohuun nuama.

Génesis 14:13

Ato asca huaifoanno nocofunu fusticoin ichocaini. Abram nan Hebreoqui chanicai. Nantiari Abram Mamre pushu chaima ica ini. Nanno nii uhuapa ichapacoin. Mamre ahuun caifori Amorreofo ini. A fu nanua rafu Escol yafi Aner. Abram ahuara yopai cuscan nan rafu non fustiton samamashta a futan ahuara huamisifo.

Génesis 21:23

Ascacun ua yoihuu mincai ua non uhuun facufo non uhuun funafori min noco parapacunacama. Nuno min maiyamafiacun un mia sharahuamisi cuscan uhuun caifoya noco shara huahuu, —ishon Abimelec Abraham yoini.

Génesis 21:25

Ascano Abraham ahuara futsa Abimelec yoiquin isca huani, —¿Ahuuscai min oinmatifoan uhuun pozomua fiamun? —ishon yocaiton.

Génesis 47:31

—Diosin noco oin un mia yoia cuscan ua yoihuun, —ishon apa yoini. Ascano José yoini, —Diosin ua oinquin mian yoia cuscan un mia ashoiran, —ishon José apa yoini.