Génesis 21:2 - Sharanahua: Diospan Tsain

² Abraham anifoshtafiashon Sara facu nanumani. Upa Diosin yoiyoni Sarapan chipo facu nanushquin. Ascano postoashu furonanfacu cainni.

Génesis 21:2 Referans Kwoze

Hebreos 11:11

Diosin Abraham yoini isca huaquin, —Min ahuin Sarapan chipo furonanfacu nanushquin. Ahuunoashu min funafo ichaparasi iishquiran, —ishon yoini. Nannori yoifiano Abraham anifoshta ahuin yoshafoshta toosma ini. Ascacun Abraham ahuun nomuran shinanquin isca huani, —Upa Diosin ua yoiyoni cuscan ua ashoshquin. Nantonfin nan yoia cuscacoin huamisi, —ishon Abraham Dios icoinra huani. Ascashu ahuin Sarapan facu caianno Abraham facuya ini.

Gálatas 4:22

Isca huaquin cununi. Abraham facu rafuya ini. Futsa ahuun yonomati futan facu ani. Nan futsa ahuincoin futan facu ani. Nan ahuincoincai tsoan yonomati inima.

Hechos 7:8

Ascan Upa Diosin Abraham yononi isca huaquin “Min furonanfacufo ato foshqui rupa shatuhuu. Ascan huatanfin min tapitiroquin. Unfin maton Upa Dios ipanacaquin. Un mato cushufafaini min funafo ichaparasi inon.” Ascacufin Abraham ahuun facu Isaac caintan ocho osha finontan facu ahuun foshqui rupa shatuni. Ascan Isaac nocofunuaitian man facu yari anuni Jacob. Ascan Jacob nocofunuaitian ahuun facu furonanfacufo doce. Nanfo nocon shunifo. Afohuunshon nocon caifo anumisi.

Lucas 1:36

Min yaya yoshafoancai facu nanumisima. Ascan toosmaran huafiamisifo natian man facu nanua seis oshu man aqui caa.

Génesis 18:14

—Ascan ahuara tsoan atiroma cuscan Diosin huatiro. Fari fusti finontan un afanan mia oinyoi oshquin. Nantiari Sara furun cainshquiran, —ishon nocon Ifoan yoiaiton.

Génesis 18:10

Ascaiton nocon Ifoan yoini, —Un fari fusti finontan miqui afanan nasoshquin. Nantiari min ahuin Sara facu cainshquinran, —huaiton. Sarapan ato cachori nishon nicani.

Génesis 17:19

Ascaiton cumani, —Ma. Uncai anori mia yoiama. Min ahuin Sara min facu nanumashquin. Ascan caincun min anushqui Isaac. Un mia yoiyotiani cuscan nannoricoinri un min facu yoishquin. Un Isaac yoishquiai cusca unupacunacama. Ahuun funafohuunoari mun yoiyoni.

Génesis 17:21

Ascafia un mia yoiyotiani cuscan un Isaac fusti yoishquin. Ascashu fari fusti finoainno min ahuin Sara furun cainshquin. Nanton ahuun anu Isaac iishquiran, —ishon Diosin Abraham yoini.

Romanos 9:9

Abraham ahuin Sarapan facu nanuataima Upan Diosin yoiyoni isca huaquin, —Fari futsan un miqui nasoshquin. Nantianri min ahuin Sarapan facu furonanfacu cainshquiran, —ishon yoini.

Josué 24:3

Ascafia un maton shuni Abraham nan mai anoshon ihuuni mai Canaán ano cahuacacaini. Unfin Abraham ahuun funafo ichapacoin inan. Unfin Abraham Isaac inanniquin.