Génesis 15:10 - Sharanahua: Diospan Tsain

¹⁰ Ascano nan Diosin yoia cuscan nantifi Abram aqui funi. Ascashon nan rafu non fusti ina cashcu rafupacuni. Cashcu rafushon ocuma rafu ratafoqui sutu huani. Nanfo cashcufiaquicai puiyafo cashcunima.

Génesis 15:10 Referans Kwoze

Génesis 15:17

Man fari caano faquishpacuaiton Abram cutimanhuan muran fiin otashon oinni. Nan fiin cuti muran ina cashcu rafushon ocuma rafu ratani ato nushmancayan cahuanquin.

2 Timoteo 2:15

Uhuun facushtan, Diosin tsain shafatifi oinsharahuu Dios yonosharashoshquin miqui unimanon. Min ascaifin ahuun yonoshomisi shara min iishquicain. Ascashon ahuun tsain iconcoin cayacafi shara futsafo min tapimatiro. Min ascacun Diosin mia oiainnocai min rafitiroma.

Génesis 15:9

—Ua moipan facu yafi cabra non chashohuan non nan rafu non fusti ina rafu non fusti fari aqui caafo ua fushofain ruhuin rafuri ua fushohuun —ishon Diosin yoini.

Génesis 15:11

Asca huano nanfo cotocotonun pipaiyaiton Abram ato ichoni.