Génesis 14:7 - Sharanahua: Diospan Tsain

⁷ Ascasho Quedorlaomer yafi niaifo futsafo aton ranushumuafoya nasonifo En-mispat mai ano noconifo. Nan mai En-mispat ahuun anu futsa Cades ini. Nanno nantifi atoqui nocoashu rutunannifo. Nan Amalacitafo rutufain Amorreofori rutunifo. Nan Amorreofo Haseson-tamar mai ano ipaoni.

Génesis 14:7 Referans Kwoze

Génesis 20:1

Ascano nantiari Abraham nan icanoashu mai futsa Néguev ari cani. Nanno pushu rasi rafu Cades yafi Shur. Nan rafu nushmancayan pushu rasi futsan ahuun anu Gerar. Nanno Abraham nituyoni.

Génesis 16:14

Ascacun nan pozo nanno anuni, —Nuno pozo anoshon nan Diosin nipanacaton ua oianran, —ishon nannoa pozo anuni. Natianrifi nan pozo nanno Cades yafi Bered nushmancaya.

Deuteronomio 1:46

Ascashu man Cades mai ano iyopaoni.

Deuteronomio 1:19

Ascan nocon Ifo Diosin noco yononi cusca non Horeb anoashu cani machi Amorreofo icafoanno non noconon. Nan mai fasi chaca ano tsoa istaipama ano finonfainni cai Cades ano noconi. Man man oinni.

Números 20:1

Ascan nan oshu abril Israelifo tsoa istaipama ano noconifo. Ahuun anu Sin. Nanno mai ahuun anu Cades ano aton pano pushufo huanifo. Nanno icafoanno Moisés ahuun chipi María naacun mai huanifo.

Números 14:45

Ascano nan machifoanno Amalecitafo fu Cananeofo machi tunanmanri fonifo Israelifo rutushcaquin. Ascashu ato Horma mai ano ichonifo.

Números 13:26

Ascano Moisés yafi Aarón non aton caifo Israelifo tsoa istaipama ahuun anu Parán nanno pushu rasi Cades ano inifo. Nanno nan doce nocofunufo atoqui nasonifo nan oianfo cusca ato tapimanifo.

Génesis 36:16

Coré non Gatam non Amalec. Nanfo niaifofo Edom mai anoafo. Nanfo Ada ahuun funafo.

Génesis 36:12

Elifaz ahuun ahuin futsa ahuun anu Timna. Aqui facu ani ahuun anu Amalec. Amalecfoan aton shuni Ada Esaú ahuin.