Génesis 1:21 - Sharanahua: Diospan Tsain

²¹ Ascashon shimanoanfori unu murannoafo oni huafain nantifi unu muran niafo onihuafain puiyafo futsa futsatapafo onihuani cuscan Diosin oian sharacoin ini.

Génesis 1:21 Referans Kwoze

Génesis 1:25

Ascashon nantifi yoinafo futsa futsatapafo onihuafain inahuamutiofo futsa futsatapafo onihuafain naman sharatiofori onihuani. Diosin oian sharacoin ini.

Génesis 8:19

Nanscarifiai nantifi amuran iquimisifo nan inafo non yoinafo non mai ano sharafo non puiyafori. Nantifi shashohuan murannoashu cainifo.

Génesis 8:17

Nan mi fu shashohuan muran iquimisifo yoinafo yafi puiyafo nichifain inafori nichifain nan mai ano sharafori nichifain nantifi ato cainmahuun mai anoshon aton facu ichapa caihuanonfo, —ishon Diosin yoini.

Éxodo 8:3

Unfin unu Nilo naqui fushco ichapacoin nichicain. Ascano min pushu muran iquifain min oshati muran iquifain min niaifo patasharinoafo min ato catoan aton pushu muranri iquimafain min yorafoquin nantifi un atoqui fushcofo nichin maton pichati muran yafi maton ahuara tsoiti muranri un iquimashquin.

Éxodo 1:7

Ascafiani aton funafo ichaparasi cainnifo. Egipto mai anoafo Israelifo ichapacoin ipaonifo.

Génesis 9:7

Ascashon facu ichapa caihuacahuun nan maitio inonfo, —ishon Dios ato yoini.

Génesis 7:14

Nan yoina futsa futsatapafo yafi ina futsa futsatapafo non nantifi mai ano sharaifori yafi puiya futsa futsatapafori ato fu iquinifo.

Génesis 6:20

Ascashu puiya futsa futsatapafo ahuin yafi funufo non nantifi yoinafo yafi inafo futsa futsatapafori nantifi mai ano sharaifori ahuin yafi funufori miqui fushcani arifi naashquima.

Génesis 1:31

Ascashon Diosin nan oni hua cuscan oian nantifi sharacoin ini. Nanscarafin mucu fustiti yafi mucu foshca fusti oshata huaniquin.

Génesis 1:18

Asca huashon shafantan fari chashaino yamutan fishifo futan oshu chashanon huafain shafan yafi faquish pashcanan huani. Asca huashon Diosin oian sharacoin ini.

Mateo 12:40

Jonás shimanoan shaqui muran osha rafu non fusti iyoni cuscan. Nanscarifiai un Diospan Facu mai muran osha rafu non fusti un iyoshqui.

Génesis 1:20

Ascatari Diosin yoiquin unu murannoafo shiman futsa futsatapafo yafi nan unu muran icafo inon huafain puiyafori mai ano noyamisifo inon huani.

Génesis 1:22

Ascashon Diosin oian nantifi onihua cuscan shara oinquin yoini isca huaquin, —Unu muran icafoan facu ichapa icain puiyaton facufo maifoti ichapa cainonfo, —ishon yoini. Ato shara huashoni.

Génesis 9:2

Nantifi yoinafo matoqui onanya iishquin. Nan yoinafo non puiyafo nan mai ano sharaifo yafi nantifi ununhuan muran icafori man apaiyai cuscan man ato huashquin.

Génesis 2:19

Ascashon maiyashon yoina futsa futsatapafo yafi puiya nai muran noyamisifori oni huani. Naanfo onihuapashon Diosin Adán shinanmaqui ihuuni ato anupacunon. Nantia Adán yoina futsa futsatapafo yafi inafo non puiyafori anupacuni. Asca huatan Diosin oiancai rato yoina futsa nocofunu fu rafutiro inima.