Gálatas 6:18 - Sharanahua: Diospan Tsain

¹⁸ Uhuun yorafoan nocon Ifo Jesucristo matohuun ramapaiqui mato shara huafafaini. Nanscasi ipanon. Amen. Nanti. Pablo

Gálatas 6:18 Referans Kwoze

2 Timoteo 4:22

Nocon Ifo mifu icain. Mia shara huashofafainon mihuun ramapainon. Nanti. Pablo

Romanos 16:20

Upa Diosin nocon ointi isharamai cuscan nanton samamashta matomaquinoa Satanás anaiticoin mato afanan ahuusca huanonma. Nocon Ifo Jesús mato shara huashopainon.

Filemón 1:25

Nocon Ifo Jesucristo mia cashman shara huashofafainon. Nanti. Pablo

2 Corintios 13:14

Nocon Ifo Jesucristo matohuun ramapai. Nocon Diosiri matohuun noicoin. Diospan Yoshin Shara matofu rafupacunon. Nanti. Pablo

Apocalipsis 22:21

Mancai Diospan yorafo. Ahuara ahuuscarafiaino nocon Ifon Jesús matohuun noishon maton nomuran mato fupuashoin man shara inon. Nanscasi ipanon. Amen. Nanti. Juan

Romanos 16:23

Un Gayo pushu muran icun ua cushumisi. Icoinra huaa futsafori ahuun pushu muran ichanamisifo. Afoanri mato yoisharafo. Erasto yorafoan aton pui cushushomisi nocon yorahuan Cuartori mato yoisharapai.

Hechos 1:15

Cufiaifono nanno ciento veinte yorafo atofu ichanannifo. Ichananfono Pedronun ato nastui nishon yoini.

Romanos 1:13

Uhuun yoramishtichin tapicahuun. Uhuun caifomari un ato Jesushuunoa yoimisi tanasharanonfo. Nanscarifi un mato huamapai. Mun catacatamisi ifiacuanano ahuara futsa huai un camisima.

Gálatas 3:15

Ascacun uhuun yoramishtichin natian non amisi cuscahuunoa un mato iscara tapimai man tapinon. Afu nocofunu ahuara yoiyoshocai shinan futsatiroma manmain ahuun anu cunushon. Nanscarifiai Upa Diosin Abraham yafi ahuun funa fusti yoiyoni. Ahuun funa ichapafohuunoacai yoiyonima. Abraham funa Cristo fustihuunoa yoiyoni.

Gálatas 4:12

Uhuun yoramishtichin ua nicasharacapun. Uncai Moisés cununi cuscan afanan tanaima uhuun chaca soanon Dios fu ipashquin. Man Jesús icoinra huaitian Moisés cunushoni cuscacai afanan tanatama Jesús icoinra huaa cuscan urifi nansca huaa. Un Jesús tanai cuscan uhuunri caocahuun. Un matofu ipaoni chaincai man uhuunoa shinanchacapaonima manrocon ua shara huafafainpaoni.

Gálatas 4:28

Ascatan uhuun yoramishtichin manfin Isaac cuscaraquin. Upa Diosin Abraham yoiyoni cuscan ahuun facu Isaac chipo cainni. Nanscarifiai Upa Diosin yoiyoni cuscan man ahuun facufo iishquicai.

Gálatas 6:1

Uhuun yoramishtichin man futsan chaca huaiton oincaquin. Diospan Yoshin Shara tanasharacaquin ahuun ramapaiquin oi tsii huafain yoihuu chaca shatunon. Oinfain. Tsain curushu iyamacahuun. Mafiri man chaca huamutiroquin.