Gálatas 5:17 - Sharanahua: Diospan Tsain

¹⁷ Non nocon nomuranshon non chaca huapaiyai cuscacai Diosin Yoshin Sharapan anori shinantiroma. Ascashon ahuun Yoshin Sharapan noco amapaiyai cuscan noco nomuranshon non shinanchacafiain noncai ascapaitiroma. Nocon nomuranshon non shinanpaoni cuscaracai Diosin Yoshin Sharapan ahuun shinan cuscarama. Asca nofin non apaiyai cuscacai non huatiroma. Non chaca shinanpaoni cuscan non ayamaquin Diosin Yoshin Sharapan nocon nomuran yoia cuscan non nicacointiro.

Gálatas 5:17 Referans Kwoze

Romanos 8:13

Chaca nocohuun nuano non omitsiscapanaca nai. Ascafia Diospan Yoshin Sharahuunshon non chaca huamisi cuscan non shatuaino afanan chaca nocohuun nutiroma non Upa Dios fu nisharapacunon.

Juan 3:6

Futsafin futsa cainmatiroquin ahuunfin canon. Nanscarifi aquin Diospan Yoshin Shara fustiton nocon cainma futsatiroquin. Norifi non ahuufin canon.

Mateo 26:41

Oshacaquima. Dios cuficahuun Satanás mato chaca huamapaiyai cuscan huashcaquima. Ascashon Diosin mato amapaiyai cuscan marifi huapaifiaquicai Diospan curushyamainocai man atiromaran, —ishon Jesús ato yoini.

Mateo 16:23

Jesús ifiacucahuan Pedro yoini, —Satanás catahuun. Min ua amaquiri shinanchacamapai. Upa Diosin shinain cuscacai shinantama nan nocofunufoan shinainfo cuscan min shinanran, —ishon Jesús yoini.

Lucas 22:46

Atoqui nocoshon oian oshafoan ato yoini, —Ahuuscain Upa cufitama man oshariai. Ascaquima Upa cuficahuun yoshin chacapan mato chaca huamapaiyai cuscan huashcaquima. Ua potashquimari cuficahuun, —ato huani.

Mateo 12:30

Tsoan unfu rafupaiquima ua nicacasmai. Tsoan uhuun tsain nicacasmaifin ua noicasmaiquin.

Gálatas 3:21

¿Ascan Upa Diosin inonpacoaifo yoiyoni cuscan yafi Moisés yononi cuscan ascaracoin shinainmamun? Ma. Upa Diosin tsaincai rafuma. Upa Diosin Moisés yononi cuscahuunshon noco nimapacutirocun nanfohuunshon nocon chaca soashocuana non a cuscara shara inon.

Lucas 22:33

Pedronun cumani, —Ifon, mia cunu muran iquimanaifoanno urifi un mifu iquitiro. Ascashon mia rutuaifoannori urifi un mifu natiroran, —huaiton.

Mateo 16:17

Ascaiton Jesús cumani, —Simón, minfin Jonás ahuun facuquin. Diosin mia noiquin mia shara huaa. Rato nocofununcai mia tapimanama un Diospan facu. Uhuun Upa Diosin nan nai muran icaton mia tapimana.

Mateo 5:6

Ascan nan ratoranfo Diosifu ipaiquin ahuun tsain tapipaiquin finaifo a cuscara shara iishcaquin. Nan cuscarafoan fuchipaiyaifo cuscan Dios ato imatiro a cuscara shara inonfo.

Salmos 130:3

Uhuun Ifon, non mia chaca hua cuscan min nantifi nocoqui cunuano non funo cuana. Mincai noco nica cuanama.

Salmos 119:176

Nan chashoan funotiro cuscan urifi mun funoa. Uhuun Ifon, ua funapun un afanan mi fu inon. Min ua yonoa cuscan un ointiaquimamaquin.

Salmos 119:133

Min tsainman ua iyosharahuu un mia tanasharanon chaca uhuun ifo inonma.

Génesis 6:3

Ascafia nocon Ifo Dios yoiqui isca huani, —Un yorafo oiancai sharama. Ascacucai un ato afanan chai nimapacunacama. Uhuun Yoshin Sharapan ato shinanmasharapaifiaino chaca huariacani. Ascacuncai un ato chai nimapacunacama. Ciento veinte fari fustiton nitirofoquin, —ishon Dios yoini.