Gálatas 4:28 - Sharanahua: Diospan Tsain

²⁸ Ascatan uhuun yoramishtichin manfin Isaac cuscaraquin. Upa Diosin Abraham yoiyoni cuscan ahuun facu Isaac chipo cainni. Nanscarifiai Upa Diosin yoiyoni cuscan man ahuun facufo iishquicai.

Gálatas 4:28 Referans Kwoze

Gálatas 4:23

Nan yonomati ahuun anu Agarcai yoshafoatai inima. Nantifi facu cainmisifo cuscari ahuun facuri caini. Abraham ahuincoin yoshafoshtan facu nanutiroma. Ascafiacun Upa Diosin Abraham yoiyoni isca huaquin, —Min ahuinin chipo furonanfacu nanushquin. Ascashu cainsharashquiran, —ishon inonpacoai cuscan yoiyoni.

Gálatas 3:29

Ascan man Cristo ahuun yorashu marifi man Abraham funafo itiro. Ascaino nantifi Upa Diosin Abraham yoiyoni cuscan matonnari itiro.

Hechos 3:25

Manfin aton funafoquin. Ascan Diosin nocon shunifo yoiyotiani cuscan matori ashoshquin. “Min funahuunshon nantifi manifoti anoafo un ato shara huairan,” ishon Upa Diosin Abraham yoini.

Génesis 15:4

Afanan Ifo Diosin yoini, —Min naitiancai aya cuscan min yonomatinin fima. Min facucoin chipo nantifi min aya cuscan ahuunari ishquiran, —ishon yoini.

Romanos 9:7

Nanscarifi aquicain Abraham acai cuscan ahuun funa atirifoan icoinra huamisima. Afocai Diospan yorama. —Abraham ahuun facu futsafoyafiacun Diospan tsain cununi cuscan ahuun facu Isaac yafi ahuun funafo nanfosi Upa Diosin yoiyoni cuscan fitiroran, —ishon cununi.

Gálatas 6:18

Uhuun yorafoan nocon Ifo Jesucristo matohuun ramapaiqui mato shara huafafaini. Nanscasi ipanon. Amen. Nanti. Pablo