Filipenses 1:8 - Sharanahua: Diospan Tsain

⁸ Jesucristo nocohuun noiai cuscan huafain urifi un matohuun noi. Ascacun un mato fasi shinain. Urifi un matofu ipaicoinquin. Un icon yoiai cuscan Diosin ua onancoian.

Filipenses 1:8 Referans Kwoze

Filipenses 4:1

Ascacun uhuun yoramishtichin un fasi matohuun noicoin. Un mato fasi oinpaisharai. Nan un matohuunoa shinaintian un mua fasi unimacoinna. Un mato Jesushuunoa yoimisi cuscan natian man man icoinra huasharacoian. Man ascaino un fasi unimacoinni uhuun yonoricai funoima. Ascacun uhuun facufoshtan Jesús cachiquiri huacaquima tanasharacahuun.

Romanos 1:9

Upa Diosin ua yonomapaiyai cuscan un curushcain yonoshomisi ahuun tsain shara Furunhuunoa un ato yoinon. Upa Diosifin ua oinquin un mato shafatifi cufishofafainaiton. Nan un cufiain cuscamain Upa Diosin mato muran ua nichi huuati ishon un cufifafaini.

2 Timoteo 1:4

Un mimaqui pashcaino min uaini. Ascan nancai un ointiaquimamisima. Ascacun un mia fasi shinain mia afanan oinpai uhuun ointi unimashquin.

1 Tesalonicenses 2:8

Non mato fasi noicoinquin unimacain non mato Diosin tsain shara yoifiai nan fusti non mato inanmusharapaoni fasi matohuun noiquin.

Romanos 9:1

Uhuun yoramishtichin un Cristohuunshon iconquin un mato yoi. Un muai cuscan mun tapia uncai mato paraima. Un mato iconquin yoi. Diospan Yoshin Sharan ua shinanmanai cuscan un iconquin yoicain. Uhuun caifo Israelifoancai nocon Numamisi icoinra huafoma. Ascacun uhuun nomuran un atohuunoashu omitsiscacaini. Un ato fasi shinancoinmisi. Uhuun caifo uhuun nomuran un ato shinanmisi isca huaquin, —Upa Diosin uhuun yora Israelifo un ato numapai mifu nipanonfo. Ascano ato Cristomaqui omitsiscapanacafo muran potatamarocon uacai potahuu un ato numanon, —ishon un anori shinanfiainocai Upa Diosin ascatiroma.

Filemón 1:12

Un Onésimo nitun huanpai ufu inon. Un fasi ahuun noi. Ascashon nichiqui un fasi shinanshquin. Ascan mincai ufu itiroma nan tsain shara Jesushuunoa futsafo yoishquin. Un nuno cunu muranshon un shinan Onésimo mihuun rafanan ufu itiro u futan yonosharashquin.

Colosenses 2:1

Uhuun yoramishtichin, un mato tapimapai. Matohuunshonfin curushcain un mato Upa Dios cufishofafaini Laodicea anoafo futan futsafoanri ua oianmafiamisifoan nanfori un ato Upa Dios cufishofafaini.

Gálatas 4:19

Uhuun facufoan un fasi mato shinancoin. Ascacun un mato tapimai. Ainfo facu caiantaima isin muyotiro. Ahuun facu caishocai afanan isin mutiroma. Unimai. Nanscarifi aquin man Cristo tanasharacoinyamaiton un matohuunshon isin mutiro. Criston ahuun Yoshin Shara maton nomuran man nanucoianno afanancai un matohuunshon isin mutiroma.

Gálatas 1:20

Uhuun yoramishtichin ua Diosin oiainno un mato icoinra huamapaifain un mato cunushonai cuscan nan iconcoin. Uncai mato paraima.

2 Corintios 7:15

Tito matoqui nocoshon oian man iscaiton, —Titopan noco yoiai cuscan nan Diospan tsain. Non nicacoianmashu non omitsiscatiroran, —ishon man yoia. Yoitimashu man ratua. Man nicacoinpaiyaiton oin Tito matoqui unimacoin. Matohuun noi finacoin.

2 Corintios 6:12

Ascacun uncai matoqui ointi mutomisima. Manfin uqui ointi mutomisiquin.

1 Juan 3:17

Ascatari futsa ahuara yopacoinfiaiton non atohuun ramapaiyamashucai Upa Diosin ato noiai cuscan non ato noiama.

Filemón 1:20

Uhuun yorashtan un mia yoca cuscan ua ashopun. Min Onésimo shara huaa cuscan urifi uhuun nomuran un unimashquin. Jesushuunshon nanscacoin ua huashopun.

1 Tesalonicenses 2:5

Man man tapia uncai matohuunoa tsain shara yoimisima marifi man uhuunoa shinansharanon. Unricai mato fuparamisima ua ahuara inansharanonfo ishon. Un mato iconcoin yoimisi cuscan Upa Diosin tapicoian. Nanto ua oinfafainni.

Colosenses 3:12

Ascashon matohuun fasi noiquin mato catonni ahuun yorafo man inon. A cuscara shara mato imashquin. Ascacun futsafohuun ramapaicain ato shara huafafaincahuun. Iquisi futsafohuunoa shinanfain nan mafi man apaiyai cuscan shinantamarocon futsafoan apaiyaifo cuscari shinanshocahuun ato oi tsii huafainri yoifafaincahuun.

Filipenses 2:26

Epafrodito isinincai mato tapimapaiyamafiano man man tapian nicaquin matohuunshon shinanqui ahuun ointi nocoita. Ascashon yoiyamua isca huaquin. —Tapianmapainonforan aton ointisin ihuutirofoquin, —ishon matohuunoa yoiyamua. Ascashu natian matofu fasi ipaicoin.

Filipenses 2:1

¿Man Cristo fu rafuaiton mato unimamaimun? ¿Matohuun noiquin maton ointi isharamamun? ¿Diospan Yoshin Shara matofu rafuimun? ¿Cristo matohuun shinaincain matohuunri ramapaiyaiton man man mumisimun? Icon nanfo man man mumisi.

2 Corintios 13:9

Ascano non ahuamaran ishon shinanfiacaquin man Jesushuunoashu isharacoiainno non fasi unimacointiro. Ascan non mato Upa Dios mato cufishona man nan cuscara sharacoin inon.

Gálatas 3:26

Natian nantifi Jesús icoinra huafo Diospan facufo.