Filipenses 1:23 - Sharanahua: Diospan Tsain

^23-24 Nan rafu shara. Asca uncai catontiroma. Urifi un Jesús ari capaicoincain afu ishquin. Nan fasi shara finacoinfiashu un shinan man ua fasi yopacoin un mato ahuun tsain shara yoinon.

Filipenses 1:23 Referans Kwoze

2 Corintios 5:8

Man non tapia naashu nocon Ifo fu non ipashquin. Nanscaifin sharaquin. Ascacufin non naicain non ratuima.

Apocalipsis 14:13

Ascatan un nica oi nai muranshon ua yoiaiton, —Un mia yoiai cuscan cunuhuu. Ratoranfo nocon Ifo Jesushuunoashu nai unimacoinshcaniran, —ishon ua yoia. —Ainfain. Iconfinquin. Naacanashu afanan omitsiscatirofoma. Upa Diosin ato ama cuscan acoinnafo. Nantianri unimacoinshcani. Nanfoan futsafo shara huashomisi cuscan Diosin nanfo ointiaquimamisima. Ascan Upaqui nocoaifoan ato inansharashquinran, —ishon Diospan Yoshin Sharanun yoia.

Hechos 7:59

Toquirinin tsacaifoanno Esteban iscani, —Ifo Jesús, uhuun yoshin mi ari ihuihuun, —ishon yoini.

Lucas 23:43

Jesús cumani, —Icon un mia yoi. Na shafatan min ufu ari iquicaiquin. Nanno fasi sharacoin. Min ufu unimacoin sharapacunacaran, —huani.

2 Timoteo 4:6

Ascano natian uhuunoa un mia yoinon. Uncai afanan chai nipatiroma. Ratoran shafata Jesushuunoashu un naicain. Un samamashta mai anoashu Jesús ari cai.

Juan 17:24

“Upan, nan mian inanfo un mifu icano un atorifi iquinpai un mifu ishara cuscan oinonfo. Non nan mai oni huataima min ua noicoinyopaoni. Ascan min yononi cuscan un mifu imisi nantifi min iquinon.”

Juan 12:26

Ascan tsoa uhuunoa yonomisi ipaiqui uhuun tsain nicacointan un yoia cuscan huatiro. Ua tanashu un icano arifi nannori ufu ipatiroquin. Uhuun yonomisi un yonoa cuscan ua ashoinquin Uhuun Upa Diosin futsafo aton ointaifi ahuunoa yoishquin isca huaquin, “¡Aicho! Min uhuun Facu Jesús nicamisi sharacoin. Min shara huamisiran,” ishon Upa Diosin ahuunoa yoisharatiro.

1 Tesalonicenses 4:17

Ascan non nuno mai ano niyoafori non atofu funi caishqui nai coin muran nocon Ifo Jesús fu ichananshquin. Ascashu nantishotapiquin non afu ipanaca.

Juan 14:3

Cayoshon un mato itishara huashoicaicain. Itishara huatani un afanan matoqui nasoshquin un icano mato ihuiyoi. Ari ufu man ipanon.

Lucas 12:50

Ascafiacun matohuunoashu naashqui un oni. Un nataima iquisi un omitsiscacoinshquin. Ascashu u omitsiscacaini naashquin.

1 Tesalonicenses 2:13

Un mato Diospan tsain yoiaino man yoini isca huaquin, —Nan tsain shara min noco yoiai cuscacai nocofunun tsainma. Nan Diospan tsainran, —ishon man yoini. Icon non mato Diospan tsaincoin yoimisi. Ascaiton ahuun tsain nicaquin man icoinra huaiton mato fiananan huaa Jesús cuscara man inon.

Juan 13:1

Diosin oinmati nan afu nai muran icaton nocon shunifoan aton facu iyoafofosi finonmani ato rutunonma nan fusitin chaima. Jesús onanni iyoconaino rutuaifo. Mai anoashu Apa ari caanon. Non afu rafumisifo nuno mai ano niyoshon noco noiyopaoni cuscan natian noco isma nocohuun noi finacoinquin.

Lucas 8:38

Jesús cataima a yoshin chaca amaquinoa potaton yoini, —Uari iyoicapun. Un mifu capaicai, —huafiaiton.

1 Tesalonicenses 2:1

Uhuun yoramishtichin man man tapia noncai ipaitsi matofu ipaonima. Non mato Jesushuunoa tapimasharapaoni.

2 Corintios 6:12

Ascacun uncai matoqui ointi mutomisima. Manfin uqui ointi mutomisiquin.