Biblia Todo Logo
Bib sou entènèt

- Piblisite -




Filipenses 1:1 - Sharanahua: Diospan Tsain

1 Uhuun yoramishtichin Filipos anoafoan manfin Diospan yorafoquin. Un mato yafi mato niaifofo non mato cushumisifori cunu fomai man tapinon. Timoteo natian ufu nuno. Nantori mato yoisharapai. Ascan nonfin Cristo Jesús ahuun yonomati rafuquin.

Gade chapit la Kopi




Filipenses 1:1
48 Referans Kwoze  

Uhuun yoramishtichin un mato cunu fomai man tapinon. No futan Jesús tanamisi Timoteo futan un mato cunu fomai. Upan Diosin ua catonpaiquin ua catonni ahuun tsain Jesucristohuunoa un ato yoifoanfafainon. Un Jesucristo fu rafumisi. Nantori ua nichini. Icoinra huafo Corinto anoafoan yafi Diospan yorafo Acaya mai anoafori un mato nantifi yoisharai.


Uhuun yoramishtichin, Roma anoafoan un mato cunu fomai man tapinon. Unquian Pablo unfin Jesucristo ahuun oinmatiquin. Ua catonni un afu rafumisi un inon. Upa Diosin ua nichini ahuun tsain shara Furunhuunoa un yoinon. Jesús David ahuun funa ini. Caiantaima Diospan tsain shara inonpacoai cuscan ahuunoa cunushonifo.


Unquian Pablo un mia cunu fomai min tapinon. Unfin Jesucriston ahuun yonomati yafi afu rafumisiquin. Ascashon ua nichini nan Diosin catoanfo un ato tapimanaino Ifo Jesús icoinra huanonfo. Nocon Upa Diosicai chanitiroma. Nantofi ahuara oni huataima yoiyoniquin isca huaquin, —Tsoan uhuun tsain iconcoin uhuun facu Jesushuunoa icoinra huaiton unfu ipatiroran, —ishon yoiyoni.


Nanscarifiai ichananfo aton shara huashomisifo isharamisifo futsafoan atohuunoa shinansharafain icon fustisi yoimisifo. Nan cuscarafo ichananfo aton shara huashomisifo itiroquin. Iscarari itirofo. Paumisi iyamacain pui noimisiforicai itiroma.


Unquian Pablo un mato cunu fomaino Silvano futan Timoteo mato yoisharapaicani. Nan rafu nuno ufu icafo. Ascacun uhuun yoramishtichin Tesalónica anoafoan manfin Diospan facufoquin. Ascano Furun Jesucristo mato Ifocoin. Man ichananmisi ahuunoa shinanshcaquin.


Uhuun yoramishtichin Tesalónica anoafoan unquian Pablon un mato cunu fomai. Manfin Upa Diosin ahuun facufoquin Jesucristo maton Ifo. Ascan nuno Silas yafi Timoteo ufu icafo nan rafutan mato tsain shara fomai. Ascashon nocon Upa Diosin matohuun ramapaicain maton ointi shara huashonon.


Unquian Pablo, Efeso anoafoan manfin Diospan yorafoquin. Man Cristo Jesús tanasharamisi. Un mato cunu fomai man tapinon. Diosin ua amapaiyai cuscan ua catonni un Cristo Jesús fu rafumisi inon.


Unquian Simón Pedro un mato cunu fomai. Unfi Jesucristo ahuun oinmatiquin. Un afu rafumisi. Ua nichini un futsafo ahuun tsain shara yoinon. Un mato shinain. Nocon Diosin nan nocon Numamisi Jesucristo un icoinra huaa cuscan marifi nanscarifi aquin man icoinra huamisi. Ascashon icoinra huacashon man mumisiri nan fasi shara finacoian. Diosin fasi sharacoin matori icoinra huamani.


Uhuun yoramishtichin man manifoti pashcananni. Unquian Santiago un mato yoisharapai. Ascan un mato cunu fomai man tapinon. Upa Dios futan nocon Ifo Jesucriston un ato yonomatifin unquin.


Ascano un mia Jesucristohuunoa yoiaiton min icoinra huani. Ascacun min icoinra huahuunshon min uhuun facu cuscaracoin. Un mihuun fasi noi. Nocon Upa Diosin futan nocon Ifo Cristo Jesús mia noiquin mia cushusharafain mihuunrifi ramapaia. Ascashon min ointi mia main huamanon.


Diospan Yoshin Shara matori yonoa Jesús icoinra huafo yoisharanon. Ascan oinfain. Isharacahuun. Diospan yorafo cushusharacahuun. Jesús ato nashoaino ahuun imi foni ahuun yorafo inonfo.


Uhuun yoramishtichin natian un mato cunu fomai man tapinon. Unquian Juan un mato cunu fomai. Upa Diosin Jesucristo yonoa samamashta ahuara ahuuscaran huariscashquiai cuscan ahuun yorafo tapimashquin. Ascacun iquisi ua oinmayoa. Jesús ahuun oinmati nan nai muran ica uqui nichian. Upa Diosin ahuun yorafo tapimapaiyai cuscan ua tapimayoa. Ascacun nan ua tapimana cuscan un mato yoi.


Uhuun yoramishtichin unquian Judas un mato cunu fomai. Unfin Jesucristo ahuun yonomatiquin. Un Santiago ahuun ushto. Nocon Upa Diosin matohuun noiquin mato catonni. Ascan nocon Ifo Jesucristo mato cushufafaini.


Ascan manfin nan chashoanfo funoa cuscarafo ipaoniquin. Ascafia natian man mato cushumisi Jesusqui nasoa mato cushufafainshquin man afu rafupacunon.


Ascano nan cushumisiton Diosin yonoshona. Ascashon nan Dios fu tsainti pushu murannoafo ahuun yorafo cushushara. Ascacufin nantififain ahuunoa yoisharafo aton cushumisi inon. Ascashu cacapaimisi iyamacain ointi rochitimani iyamacain paumisi iyamacain sutumitsapaimisi iyamacain futsafo parashon ato pui fianmisiricai itiroma.


Un mato tapimapai nocon yorashta Timoteo natian man cunu murannoashu man caian. Ascan samamashta uqui nocoashu u afu mato ari cai.


Man man tapia non matoqui nocoataima Filipos anoafoan noco omitsisca huafain noco roapaonifo. Ascashon noco shatumapaifiaquicai Upa Diosin ahuun curush noco inanno non ranotiroma nan tsain shara Jesushuunoa un mato yoini cuscan noco tsoan shatumanama.


Ascano nan un matohuunoa nicaquin tau huanitian man noco Ifo Jesús icoinra huashon man futsafo noicoinfafainaiton. Ascacun nan un cufiaiti un matohuunshon noco Ifo aicho huafafaini.


Ascano un nocon Ifo yonoshona cuscari arifi Timoteo yonoshona. Ascan matoqui nocoaiton cushusharacahuun. Nocoaino aqui unimacahuun. Man ascaiton tapinon a man fuchipaiyai.


Ua yoiaino un anaman fuopacua, —Min sharacoinran, —ishon yoishquin. Ascafiashon ua yoia, —Asca huayamahuu. Ua anori yoiyamahuu. Unrifi nan mi futan Jesús icoinra huafo cuscarari. Jesús mato yoia cuscan man cachiquiri huamisima. Un matofu ahuun oinmatiri. Nan fusti non fuoshopacutiro yoishquin, “Min fasi shara. Min uhuun Iforan,” ishon min nan fusti yoitiro. Diospan tsain yoimisifoan yoiafo cuscan unrifi un mia yoia nanscasi huaquin non Jesushuunoa non yoinon, —ua huaa.


—Ifon, tsain ichapa ahuunoa mun nicamisi. Nantonfin mia icoinra huafo Jerusalén anoafo ato chaca huamisiquin.


Ascan tsoa uhuunoa yonomisi ipaiqui uhuun tsain nicacointan un yoia cuscan huatiro. Ua tanashu un icano arifi nannori ufu ipatiroquin. Uhuun yonomisi un yonoa cuscan ua ashoinquin Uhuun Upa Diosin futsafo aton ointaifi ahuunoa yoishquin isca huaquin, “¡Aicho! Min uhuun Facu Jesús nicamisi sharacoin. Min shara huamisiran,” ishon Upa Diosin ahuunoa yoisharatiro.


Shinancapon. Nocofunu mai futsa ari caquin iquisi ahuun oinmatifo yoitiro, “Un mato yoiai cuscan uhuun pushu cushusharacahuun. Yonosharacahuun. Futsan uhuun pushu anoshon cushutiro un afanan nasoaitian un oinnon,” ishon ato yoitiro.


Un asca huafiaiton ua yoia isca huaquin, —Asca huayamahuu. Urifi mia cuscara. Min non Jesús icoinra huafo non ahuun tsain yoimisifo non nantifi nan min rama cunua cuscan icoinra huafo urifi mato cuscara nocon Ifon Diosin ahuun oinmati. Ascan Upa Diosin fustisi min Ifo huatiro. Nan fusti min anaman nofuomupacucahuashotiro, —ua huaa.


Ascatan afanan Jesús ua yoiqui isca huaa, —Ua icoinra huafo Pérgamo anoa aton Diosin tsain yoimisi un yoipaiyai cuscan ua cunushoquin isca huai, “Unquian un maton Ifo Jesús, un mato yoisharapai man tapinon. Uhuun tsain nan nopu ocuma rafu cunocoin cuscara. Ascashon uhuun tsainmansi uhuun yorafo cushusharafain nan ua noicasmamisifo un ato onaintimatiro.


Ascatan afanan Jesús ua yoiqui isca huaa, —Ua icoinra huafo Esmirna anoa aton Diosin tsain yoimisi un yoipaiyai cuscan ua cunushoquin isca huai. “Unquian, un maton Ifo Jesús, un mato yoisharapai man tapinon. Ahuara oniataima un iyopaoni. Urifi ipanaca. Uncai unupacunacama. Mun nafiacun Upa Diosin ua funimani. Ascashucai un afanan napanacama. Unrocon nipanaca. Ascacun un mato yoiqui isca huai.


Ascashon natian min oian cuscan un mia yoi min tapinon. Nan fishi siete non nan lamparina siete oro ointsa nanfohuunoa un mia tapimanon. Nan fishifo un tsoma nanfofin nan ichananfo Diosin tsain ato tapimamisi cuscarafoquin. Ascan nan lamparinafo oro ointsafo nanfofin ichananti pushu ano Jesús icoinra huafo cuscarafoquin, —ishon Jesús ua yoia. Nan siete ichananti pushu anoa icoinra huafo ato tsain shara fomani.


Nocon shuni David Judashuunoa inaca cuscan aquin cunuquin isca huani, “Ahuun mai ano tsoa afanan ano inonma, Ahuun yono nocofunu futsan finon cushumisi inon,” ishon David ahuunoa inonpacoai cuscan cununi. Ahuun cunu anunifo Salmos, huanifo.


Uncai ufiri curafia huamupaima. Ascatama un Upa Diosin uhuunoa shinanmasharapai nanton ua amapaiyai cuscan huaashquin. Un yorafo uhuunoa shinanmasharapaiyaino uncai Cristo oinmati itiroma.


Natian nantifi Jesús icoinra huafo Diospan facufo.


Upa Diosin Cristohuunshon nantifi manifoti anoafo noco nanscarafosi oin. Uhuun caifo Israelifo yafi Israelifoma non yonomatifo yafi yonomatimafori non nocofunu yafi ainfofori nanscarafosi noco oin. Jesucristo noco Ifo icaino non ahuunoashu yora fusti cuscara itiro. Ascan nantifi icoinra huafotifin non ahuun yorafo.


Man nocon Ifon Jesucristo nantishon tapiquin man ahuun noi unupacuyamaino Upa Diosin nantifi matohuun ramapai. Unquian Pablo un mato cunushoni. Nanscari inon. Nanti. Pablo


Ascashon nocon Ifon Jesucristo shinain cuscan marifi nannori shinancahuun.


Jesucristo apaiyaiton un matoqui Timoteo samamashta nichipai. Chipo u ano nasoaitian matohuunoa ua tapimanon. Nocoshon matohuunoa ua yoiaiton nicai un fasi unimacointiro.


Asca non foshqui rupa shatuahuunshocai nocon chaca non soatiroma. Jesucristo noco nashoni nocon chaca soashoshquin. Arus fustifin nocon chaca soashotiroquin. Nan Furuhuunshori Diosin noco ahuun facufo imatiro. Ahuun Yoshin Sharahuunshon non Dios yoitiro isca huaquin, —Non mia fasi noi. Min sharacoinran, —ishon non yoitiro. Jesucristo noco nashoni nocon chaca soashoshquin. Ascacun non aqui unimacoinni. Arus fusti noco numatiro. Man non tapia non foshqui rupa shatuahuunshocai noco ahuusca huatiroma.


Ascano uncai afanan un ipaoni cuscan apaima. Nantifi un ipaoni cuscan mun potacoinni. Un ascai un funocoinpaoni. Ascacun natian un shinancai nanfo ahuama. Nan ahuara chaca potamua cuscarafo. Natian uhuun Ifo Jesucristo fusti un onanpaicoin. Nancaifin shara finacaiaquin. Arus fusti ua imasharatiro. Moisés tsain yonopaoni cuscacai un afanan ascatiroma ua imasharanon. Ascatamarocon un Cristo icoinra huaino Upa Diosin Furunhuunshon ua imasharatiro a cuscara shara un inon. Ascan un Diosiqui nocoaitian uqui unimatiro un Cristo fusti icoinra huacun ua imasharanon.


Un ipaiyai cuscacai un acoinnataima. Un Jesús cuscaracoin ipaifiaicai un icataima. Jesucristo uhuun ointi fiananan huani a cuscaracoin ua imashquin. Ascacun un Jesús tanasharafafaini a cuscarasharacoin ishquin.


Uquian Pablo un mia cunu fomai. Uhuun yorahuan Filemón un fasi mia shinancoin. Man min tapia un Jesucristohuunoa yoifafaini. Ascacun ua cunu muran iquimanifo. Nocon yora Timoteo ufu ica. Arifi mia tsain fomapai. Ascan minfin no futan Jesucristo yonoshomisiquin. Nan Jesús icoinra huafo min pushu muran ichananmisifo ua atori yoishohuun. Nocon shafo Apia yafi Arquipori nan Arquipo arifi noco futan Jesucristohuunoa yonoshomisi nan rafuri non ato tsain fomai.


Swiv nou:

Piblisite


Piblisite