Filemón 1:11 - Sharanahua: Diospan Tsain

¹¹ Ascashon nantocai mia yonoshosharapaonima. Ascafia natian mia yafi ua shara huatiroquin.

Filemón 1:11 Referans Kwoze

2 Timoteo 4:11

Natian Lucas fusti ufu icai. Min uqui oaitian ua Marcosri ihuushohuun. Un Tíquico Efeso ano nichitan. Ascan min oquin ua Marcos ihuushohuun u futan nocon Ifo yonosharashonon.

1 Pedro 2:10

Mancai ahuashta nicayopaonima. Ascafian natian man Diospan yoracoinfo. Diosin matohuun ramapaifiaiton mancai muyopaonima. Ascafia natian Diosin matohuun ramapaiyaitofin man man mumisiquin.

Lucas 15:32

Ascafia min ushto man naa shinantsa amisishaquin natian man noco shara. Man funofiani man non afanan fuchia. ¿Asca ahuuscacumun non ichanainmacain aqui unimashquin?” ishon apan furu iyoa yoini, —ishon Jesús yoini.

Romanos 3:12

Manifoti anoafoan Upa Dios cachiquiri huaafo ato isharamapaiyai cuscan atamarocon chacacoin tapiafo. Tsoacai shara tapimisima. Tsoa fusticai isharamisima.

Lucas 17:10

Nanscarifiai Diosin mato yonoa cuscacoin aquin marifi yoicahuun isca huaquin, “Noncai ahuama. Nofi tau huafaincai non acama. Nocon Ifoan noco yonoa cuscan non acaran,” ishon yoicahuun, —Jesús ato huani.

Lucas 15:24

Uhuun facu man naa shinantsa amisishaquin afanan man nasoaquin. Natian afanan ufu nuno nia. Man funofiani natian afanan man non fuchiaquin. Non ichananon nantifi aqui unimaquin pifain non mononon. Noco manutifo non manunon,” ishon apan yoini.

Mateo 25:30

Ascacun nan oinmati ahua tapiama chaca faquish muran potacahuun. Nannoashu fasi omitsiscai fasi uainon,” ishon niaifoan yoini.

Filemón 1:10

Ascacun un mia Onesimohuunoa yocai. Nanrifi uhuun facucoin cuscaraquin. Un nuno cunu muranshon un Onésimo Jesús icoinra huamani. Ascashon natian Jesushuunoashu un ahuun upa cuscara.

Filemón 1:12

Un Onésimo nitun huanpai ufu inon. Un fasi ahuun noi. Ascashon nichiqui un fasi shinanshquin. Ascan mincai ufu itiroma nan tsain shara Jesushuunoa futsafo yoishquin. Un nuno cunu muranshon un shinan Onésimo mihuun rafanan ufu itiro u futan yonosharashquin.