Éxodo 9:7 - Sharanahua: Diospan Tsain

⁷ Nantian Faraón ahuun yorafo nichini Israelifoan aton inafohuunoa tapishquin. Ascano Faraón ahuun yorafo aqui nasoshon yoinifo isca huaquin, —Niaifo Faraón, Israelifoan aton inacai fustishta namafinquin, —ishon yoinifo. Ascafiano nantian Faraón ahuun nomuran curush huani Israelifocai nichipainima.

Éxodo 9:7 Referans Kwoze

Éxodo 7:14

Asca huatan chipo nocon Ifo Diosin Moisés yoini isca huaquin, —Faraón ahuun nomuran curushcoin huani. Ua nicacasmacoin. Ascan min caifo Israelifo nichiama.

Éxodo 8:32

Ascafia nantian afanan Faraón fasi ahuun nomuran curushmana Ifo Diosi nicacasmai. Ascashocai afanan Israelifo nichinima.

Romanos 9:18

Ascacun non tapitiro Upa Diosin futsa ahuun ramapaiyaihuunri ramapaitiroquin. Nanscarifi aquin futsan chaca huafafaina cuscan shatuamashu ointi mutocoin imatiro.

Daniel 5:20

Ascashu min shuni Nabucodonosor chipo cacapaimisicoin ipaoni. Ahuun nomuran mutocoinquin shinanquin isca huani, “Tsoa futsacai ua cuscarama. Unfin nantifi uhuun mai ano afo un oni huaquin. Nanscashofin nantifi un finoncoianran,” ishon ahuun nomuran shinainton Ifo Diosin yonoa cuscan ahuun yorafoan nan potanifo afanan niaifo iyamacain afananricai isharamisi cuscan anima.

Éxodo 9:12

Ascano nocon Ifo Diosin Faraón ahuun nomuran curush huani Moisés yafi Aaróncai nicapainima. Nannori Diosin Moisés tapimayoni.

Éxodo 7:13

Faraón nan oinfiashocai nocon Ifo Diosin yoini cuscan ahuun nomuran curush huani. Ascafiacai Faraón Moisés yafi Aarón nicapainima.

Éxodo 9:8

Ascaino afanan nocon Ifo Diosin Moisés yafi Aarón yoini isca huaquin, —Chii mapo muspohuu. Moisés min Faraón ahuun ointaifi nan chii mapo fomancaya saa ahuu.

Éxodo 3:19

Munfin tapian un Egipcio niaifo uhuun curushu ismayamainocai mato nichicaima.