Éxodo 9:6 - Sharanahua: Diospan Tsain

⁶ Ascano iconcoin nan yoia cusca ai iyoconaino nocon Ifo Diosin yonoa cusca nantifi Egipciofo aton inafo nai futsuni. Ascafiainocai Israelifona fustishta nanima.

Éxodo 9:6 Referans Kwoze

Éxodo 9:25

Nan Egipcio mai anoa ahuarafo chacana huaquin futsani. Nan chifi niafo nai futsunifo. Yorafo non inafori nai futsunifo. Tsoashtacai tushunima. Nantifi ihuifo potu cumaqui futsaino pacui futsuni. Aton mau anoa yonofori chacana huaquin sapa huaquin futsani.

Éxodo 8:22

Ascafia nan uhuun yora Israelifo Gosén mai ano icafoanno cai napu fustishta ishquima. Ascano min tapitiro unfin ato Ifo Diosiquin un nuno min mai ano ica uhuun yorafo cushushquin.

Éxodo 9:4

Ascano nocon Ifo Diosin Israelifoan aton inafo cushuanocai pau fuchicanima. Fustishtacai naimafinquin. Matona fusti nai futsushquiran,” —ishon Moisés Faraón yoini.

Éxodo 9:5

Nocon Ifo Diosin yoini isca huaquin, —Na funamari Egipciofo ato inafo pau fuchiashu nai futsucaniran, —ishon yoini.

Éxodo 9:26

Nan Egipciofo ano ascafiainocai Israelifo icafoanno nan Gosén anocai unu matsi tocoronunhuan fustishta pacunima.

Éxodo 12:29

Ascano nan yamunacahuanaino nocon Ifo Diosin nantifi Egipcio ato furun iyafofo namani. Nan niaifo Faraón ahuun furun non Egipciofoan aton furun nan cunu muran iquimanifo non nantifi Egipcio aton inapan facu iyoafofo nai futsunifo.

Éxodo 12:12

Nan man piai yamuri un Egipciofo nantifi ato pushu ano cai aton furun iyoafofo namashquin. Ascashon nantianri aton inapan facu funu iyoafofosi un ato namaquin futsai. Nan Egipciofo aton diosiran ishon afin ahuara rami huafofin un chacana huaicai. Unfin ato ismaicai nanfocai ahuama. Un Egipciofo ato onaintimai cuscacai tsoan ato numatiroma. Ascano Egipciofoan tapitirofo aton diosifocai Diosicoinfoma. Urus fustifin un Ifo Diosiquin.