Éxodo 9:27 - Sharanahua: Diospan Tsain

²⁷ Ascaiton oinquin Faraón Moisés yafi Aarón tsain fomani aqui fononfo. Ascano ato yoini, —Natian mun tapia un chaca hua. Ifo Diosin icon fusti yoimisi. Un uhuun yorafoyashon amaquiri un shinanmisi.

Éxodo 9:27 Referans Kwoze

Éxodo 10:16

Nanscaiton oinquin Faraón samamashta afanan Moisés yafi Aarón yoimani ato yoishquin, —Unfin maton Ifo Diosi yafi matori chaca huamisiquin.

Salmos 145:17

Nocon Ifo Diosin nantifi acai cuscan cayacafi shara. Nantifi nan oni huani cuscan huaquin noicoin.

Romanos 3:19

Man non tapia Upa Diosin yononi cuscan Moisés noco cunushoni. Noco yononi non chaca huanonma. Noco yononi cuscacai non amisima. Ascan tsoancai yoitiroma isca huaquin, —Diosin yononi cuscan un amisiran, —ishoncai yoitiroma. Iconquin nantifi noco onaintimatiro.

Romanos 2:5

Upa Diosin mato shara huafiaintocai man shinan futsapaima maton chaca shatushquin. Diosiquiricai man shinanmisima. Man chaca huaa cuscan Upa Diosin ointiaquimaima. Ascan chaca huaquin man unuyamaiton Diosin sinaitian mato onaintimashqui.

Mateo 27:4

—Unfin chaca huaquin. Jesuscai ahua chaca huayamafiamisicun un ato parashon achimanaran, —ishon ato yoiaiton. Cumanifo, —Ahuuscaquitsi min noco anori yoiyoa. Noncai ascara tapipaima. Mififin min shinanquin, —huaifoan.

Daniel 9:14

Nantifi min amisi cuscan cayacafi shara. Ascan min noco yoini cuscacoin non acun min noco omitsisca hua cuanama. Ascafiainocai natianri min yonoa cuscan non huaima.

1 Samuel 26:21

Saúl cumani, —Unfin chaca huaquin. Uhuun facushta David, uqui nasohuun. Min uhuunoa shinansharaquifin min na shafata ua rutuamaquin. Ascan un afanan mia ahuusca huaima. Un mihuunoa shinan cuscan fasi chaca. Un fasi amaquiri shinan. Un nisofoan shinainfo cuscaran shinanmisiran, —ishon Saúl yoiaiton.

1 Samuel 15:24

Nicaquin Saúl cumani, isca huaquin, —Icon, mun chaca hua. Nocon Ifo Diosin ua yonoa cuscan un huayamafain min ua tapima cuscan un aama. Uhuun caifofoan ua apaiyai cuscan un atoqui ratua. Ascacun ua yoiafo cuscan un hua.

1 Samuel 15:30

Afanan Saúl yoini, —Mun tapia un chaca hua cuscan. Ascafiacun uhuun yorafoan aton niaifo patasharinoafo non nantifi nocon yorafoan ointaifin u fu capun min Ifo Diosi cufishquin uhuunoa shinansharanonfo, —ishon Saúl yoini.

Éxodo 8:8

Ascashon Faraón Moisés yafi Aarón cunani ato yoiquin isca huani, —Ua mato Ifo Diosi cufinshocahuun un non uhuun yorafomaquinoashu fushcofo fotanon. Man asca huano un maton caifofo nichishotiro mato Ifo Diosi cufinfain man maton inafo rutushon Diosin mato yonoa cusca ismashquin, —ishon Faraón Moisés yafi Aarón yoini.

Éxodo 8:25

Nanscara oinquin Faraón Moisés yafi Aarón yoimariscani, Ascashon Faraón ato yoini, —Maton Diosi man cufintirofia tsoa istaipama ari foyamacahuun. Nocon mai ano fustishon man Diosi cufintiro nunoshon maton inafo Diosin mato yononi cusca man rutushotiroran, —ishon Faraón Moisés yoini.

Éxodo 10:17

Un chaca hua cusca afanan ua rau huapun. Maton Ifo Diosi ua cufinshocahuun nan ocutsurufo noco mai anoashu fotanon non nanoma, —ishon Faraón yoini.

Josué 7:20

Ascaiton Acán cumani isca huaquin, —Icon un nocon Ifo Diosi chaca hua. Unfin isca huaquin.

2 Samuel 12:13

Nannori yoiaiton nicaquin David Natán yoini, —Unfin Diosqui chaca huaquin, —ishon yoiaiton. Natán David cumani isca huaquin, —Nocon Ifo Diosin min chaca hua cuscan mia soashona. Mincai naima.