Éxodo 9:23 - Sharanahua: Diospan Tsain

^23-24 Ascashon nocon Ifon Diosin yonoai cusca Moisés nai ari mutoni. Asca huaino nai turuicain cana piishicain unu matsi tocoronunhuanfo nai ariashu maiquin pacui futsuicai funa nishmanima. Nan Egipciofoan taui iyopaonifotiancai tsoan ascara oinyopaonima. Natian tsoan oinyomisima cuscaran. Fasi chaca musucoin oinnifo.

Éxodo 9:23 Referans Kwoze

Josué 10:11

Nan mucu fustiti Amorreo niaifofo futan aton ranushumuafoya ichoaifoanno nocon Ifo Diosin nai muranshon unu matsi tocoro uhuapacoin atoqui potaino ichapacoin nai futsunifo. Israelifoan ato nopun rutua finonmacaifain nocon Ifo Diosin unu matsi tocoronun uhuapacointon fasi ichapacoin ato rutuni.

Apocalipsis 8:7

Ascan futsan ahuun manuti chaan chaan acaino unu matsi tocoromishti yafi chii imia osia mai ano pacua. Ascaino mai cashcu futsa man coi cuyoa. Un tercero del maitio man coi cuyoa. Nantifi mai anoa fasifo yafi ihuifo man coi cuyoari.

Apocalipsis 16:21

Nantianri unu matsi tocorofo uhuapacoin aton ihuu cincuenta kilos cuana nai murannoashu yorafo fuchi pacua. Ascafia aton chaca shatutamarocon, —Diosin fasi chacacoin. Nan unu matsi tocorofo uhuapacoinun noco omitsiscamairan, —ishon yoiafo.

Éxodo 20:18

Diosin nannori ato yoiaino machi ano fasi nai turuicain cana fasicoin piishicaino nai murannoashu manuti fasi achacoin icaino coinmanhuanun machi fuponi. Nanscaiton oincani Israelifo fasi ratucoincani. Tari tarinifo. Machi chaimacai tsoa canima.

Éxodo 19:16

Nan osha rafu finoanno iyoconaino nan funamarishta fasi turui furanfafaintan fasi cana piishi furanfafaini. Ascano nai coinmanhuan murannoashu Upa Diosin machi mamaqui fotoni. Nantianri manuti nai murannoashu achacoin manuni chaan chaan iquin fasi isininpatanaino nantifi Israelifo taritaricani ratucoinnifo.

Apocalipsis 16:18

Ascatan fasi curushcoin canan pishiiriai icain ahuarafo achacoinfo yafi fasi nai turuicacoin icain mai nayanaiyaiqui curushcoin. Ascacai tsoan mumisima. Nocofunu onihuaquin tau huanitian natianri mai nayanaiyaiqui ascaitocai tsoan muyomisima.

Génesis 19:24

Ascashu nocoaino Ifon Diosin nai muranshon chii yafi foi chashcaica Sodoma yafi Gomorra camaqui ocani.

Éxodo 9:18

Natiafin min ua tapincai. Funamari un unu matsi tocoronunhuafo min mai ano potai. Min non min yorafoanricai ascara oinyomisima.