Éxodo 7:11 - Sharanahua: Diospan Tsain

¹¹ Nanscaiton oinquin Faraón ahuun yora nan Egipciofo aton mapo sharayafo non yofufo cunani. Aarón aca cusca nanfoannorifi aton yonohuunshon nansca huanifo. Nanfoan amisifo cuscacai aton caifo futsa tsoa atiroma.

Éxodo 7:11 Referans Kwoze

Éxodo 7:22

Nansca huaiton oinquin Faraón ahuun yofufoanri yoshinfohuunshon nanscari huanifo. Ascashon Faraón ahuun nomuran afanan curush huani. Nocon Ifo Diosin ato yoini cusca Faraoncai Moisés yafi Aarón nicapainima.

2 Timoteo 3:8

Nan nocofunufo nan Janes yafi Jambres cuscarafo. Nan rafu Egipcio shointian rafu. Ascano Moisés yorafo Diosin tsain tapimapaiyai cuscan nantianri nan rafutan ato yoini isca huaquin, —Moisés mato yoiai cuscan nicayamacahuun, —ishon yoinifo. Nanscarafoan Diospan tsain iconcoin futsafo nicamapaima. Ascashon aton nomuran fasi chaca fusti shinanmisifo. Ahua cayacaficai shinantirofoma. Nocon Ifo Cristo icoinra huapaicanima. Ascashon Diosin potacoianfo.

Éxodo 8:18

Ascano nan Egipciofoan ato yofufoanri aton yoshinhuunshon nanscari huapaiquin ranannifo. Shion huarasi muucani yorafo ato inafoya fupoi futsunifo.

Éxodo 8:7

Nantianri nan yofufoan nanscari huaquin yoshinfohuunshori fushco huarasi unu murannoa machi mapumanifo.

2 Tesalonicenses 2:9

Nan rutuataima Satanás curushhuunshon nan nocofunu chacacoinni tsoan oinyomisima cuscara Satanás yonopan nanscarafo huashquin yorafo parashquin.

Daniel 2:2

Ascan nan tsoa futsan atiroma cuscan huamisifo cunatan shointiafo cunafain inonpacoai cuscan yoimisifori cunafain fishifo oincaquin ahuarafo chipo iishquiai cuscan yoimisifo nanfo niaifo Nabucodonosor ato cunani. Ascatari ato cunani ahuunoari ato yocashquin ahuamain namaquin. Nanfo nanno ahuun ointaifin niafo ini.

Génesis 41:8

Iyoconaino moishon fasi shinanpaiqui futsani. Ato yoimani yora yofufo yafi mapo sharayafo aqui funonfo. Nantifi na cuscarafo Egipcio anoafo aqui funifo. Nocoafono ahuun namapanhuunoa ato yoini. Ahuun namapan yoiai cuscacai tsoashta Faraón tapimatiro inima.

Efesios 4:14

Non ascatacai facufo cuscara afanan non itiroma. Futsan facufo ahuarafo yoiaiton icoinra huatiro. Futsan ato yosiaiton icoinra huafain futsari chipo ahuarafo yoia cuscan nanforifi icoinra huatirofoquin. Ascashon futsa futsatapafo icoinra huatirofo. Ascacun noncai paramisifoan noco yosipaiyaifo cuscan non icoinra huatiroma. Noco yoicaquin, —Un mia icon yosiaran, —ishon noco yoipaifiaifoan Diospan tsain anorimacun noncai ato icoinra huatiroma. Noco fuparapaicani.

Daniel 5:7

Ascatan ahuun shointiafo cunafain fishifo oincashon ahuara chipo iishquiai cuscan yoimisifo cunafain inonpacoai cuscan yoimisifori ato cunani. Niaifoan ato yoini isca huaquin, —Ratora futsan na cunu oinshon ua tapimanafin un ato sahuuti shonan shara nan niaifona cuscara inanfain tuhuuti oro inanfain un huaicai nanfin niaifo patasharinoa itiroquin. Ascan nonfin nan niaifo nocofunu patasharinoa fusti non finontiroquin, —ishon niaifoan tapimisifo yoini.

Gálatas 3:1

Uhuun yoramishtichin Galacia anoafoan manfin nison cuscarafoquin. ¿Tsoan mato amaquiri yosiamun? ¡Ohua! ¿Tsoan mato paramun man afanan shinansharanonma? Ascan nonfin mato cayacaficoin yoimisi Jesucristo mastafoanno matohuunoashu nani. Non mato tapimasharafiamisicun mancaifin tsain amaquiri shinanmisi.

Daniel 5:11

Minfin nunoa nocofunun niaifoquin. Ascan nunoa nocofunu futsan diosi sharafo aton yoshin ahuun nomuran a fu rafua. Min shuni Nabucodonosor niyoshon nan nocofunu futsan fuchiniton. Nantofin fasi tapisharacoianquin. Ahuara tsoan tapiama cuscaran diosfoan tapia cuscan nantorifi tapini. Ascan nan min shuni niaifon na nocofunu catonni nan tsoan futsa atiroma cuscan huamisifo yafi shointiafo yafi fishi oincaquin ahuara chipo iishquiai cuscan yoimisifo yafi inonpacoai yoimisifori nan nocofunun aton niaifo ipaoni.

Daniel 2:27

—Niaifon, rato tapisharatocai mia yoitiroma. Tsoamain shohuintiaquin ahuunoacai tsoan mia tapimatiroma. Tsoa futsan atiroma cusca huamisifo mia tapimatiroma. Nan inonpacoai cuscan yoimisifohuunoari mia tapimatiroma.

Apocalipsis 19:20

Aton rututamarocon Jesús ato achia chi muran ato potashquin. Nan yoina pofu cuscara yafi nan fuparamitsamisiton, —Unfin Diosin tsain mato yoimisiquin, —ishon yoifiashu chanimisi. Nanton yoina pofu cuscarahuunoa tsoan atiroma cuscan Satanashuunshon huamisi. Ascan nantifi cunua yorafo nan yoina pofu cuscara ahuun anu atoqui nua. Nanfoan yoimisi isca huaquin, —Min uhuun dios. Un mia noiran, —ishon yoimisifo. Ascarafofin nan yoina pofu cuscaraqui. Ascan nan paramitsamisiton tsoan atiroma cuscan ahuamamishti acai cuscan man oianfo. Ascaquin ato paracoian. Nan rafu nan yoina pofu cuscara yafi nan paramitsamisi niyoa Jesús ato chi urumanhuan muran pota.

2 Timoteo 3:9

Nan Janes futan Jambres ato amaquiri chaca yosipaiyaifoan tapinifo. Nanscarifi aquin nan chaca huamisifoan ato parapaiyaifoannori tapishquicani. Ascashon tapitirofo nanfoan afi ipaitsicoin shinanmisifocun. Ascacun, —Ahua tapiafomaran, —ishon atohuunoa yoishquicani.

Éxodo 7:12

Nantifi nan yofufoan aton poquiti mai ano potaino rono oniriscatani. Nansca huafiafo Aarón ahuun poquitinin atona shuani.

Daniel 4:6

Ascacun nantifi nocofunufo mapo sharaya un cuna un nama cusca ua tapimanonfo.

Éxodo 8:3

Unfin unu Nilo naqui fushco ichapacoin nichicain. Ascano min pushu muran iquifain min oshati muran iquifain min niaifo patasharinoafo min ato catoan aton pushu muranri iquimafain min yorafoquin nantifi un atoqui fushcofo nichin maton pichati muran yafi maton ahuara tsoiti muranri un iquimashquin.