Éxodo 6:9 - Sharanahua: Diospan Tsain

⁹ Ascano Moisés ahuun caifo Israelifo Diosin yoini cusca ato tapimani. Nannori ato yoiaiton nicacatancai tsoan Moisés icoinra huapainima. Nan Egipciofoan ato curushcain yonomamisifia nantian fasi aton nomuran fucashcoin muutanifo tsoancai Moisés yoiai cusca nicapainima.

Éxodo 6:9 Referans Kwoze

Éxodo 5:21

Ascashon Israeli niaifofoan ato yoiquin isca huanifo, —Ascacun nan niaifo Faraón nocohuunoa shinanchaca. Ahuun yorafoanfin nocohuunoari shinanchacacaniquin. Matohuunfin nuaquin. Natian noco rutupaiquifin noco rututirofoquin. Diosimain mato onaintimapainonran, —ishon niaifofoan Moisés yafi Aarón yoinifo.

Éxodo 14:12

Man nonfin Egipcio mai anoshon mia yoiamuaquin, “¡Noco fucash huayamahuu!” Non tsoan istaipama icashu naacai sharama. Non Egipciofoan yonomatifo natian icaino shara icuanaran, —ishon Israelifoan Moisésqui tsain chipunifo.

Éxodo 1:14

Nan ladrillofo mai yafi foi osia ato oni huashofain aton mau ano ato curushcain yonomanifo. Ascano fasi omitsiscanifo.

Éxodo 2:23

Ascano fari ichapa finoanno nan Egipciofoan aton niaifo Faraón naani. Nantianri Egipciofoan Israelifo ato omitsisca huaquin curushcain cashmancoin yonomapaoni. Nan Israelifoan ato omitsisca huaifoanno uaicaifoan Diosin ato nicaquin ato shinancoinni.

Éxodo 6:10

Ascaiton nocon Ifo Diosin Moisés yoini isca huaquin,